१.      पर्सा, बिरगंज महानगरपालिका १९ बर्वा स्थितबाट प्रतिबन्धित लागू औषध गाँजा १९५ किलो ग्राम सहित जिल्ला मकवानपुर हेटौंडा उपमहानगपालिका १२ रमनटार बस्ने बर्ष ३६ को सुकलाल महर्जनलाई शनिवार बेलुका प्रहरीले नियन्त्रणमा लिएको छ । इलाका प्रहरी कार्यालय पोखरीया, अस्थाई प्रहरी पोष्ट बिन्दबासिनी र अस्थाई प्रहरी पोष्ट बहुअर्वाभाठाबाट खटिएको संयुक्त प्रहरी टोलिले बिशेष सुचनाको आधारमा बा.प्र.०३-००१ख ३५८७ नम्बरको ट्रकमा लोड गरी ल्याएको लागू औषध गाँजा बर्वा स्थित रोड छेउमा रहेको परालको थुप्रोमा लुकाई छिपाई भाग्ने क्रममा उक्त परिमाण बराबरको लागू औषध र ट्रक सहित चालक निज सुकलाल महर्जनलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।