१.    बारा, जितपुरसिमरा उपमहानगरपालिका २१ स्थितबाट ५.९ किलो ग्राम लागू औषध गाँजा सहित जिल्ला पर्सा बिरगंज महानगरपालिका १८ ईनर्वा मैनाली बस्ने वर्ष २१ को राजकिशोर कुर्मीलाई आईतवार दिउँसो प्रहरीले नियन्त्रणमा लिएको छ । इलाका प्रहरी कार्यालय अम्लेखगंजबाट खटिएको प्रहरी टोलीले हेटौंडाबाट बिरगंज तर्फ जाँदै गरेको पैदल यात्रीलाई चेक जाँच गर्ने क्रममा निजलाई उक्त परिमाण बराबरको लागू औषध गाँजा सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.    बारा, जितपुर सिमरा उपमहानगरपालिका १ पथलैया चोक स्थितबाट २१ किलो ग्राम लागू औषध गाँजा सहित शनिवार दिउँसो जिल्ला मकवानपुर राकसिरंग गाउँपालिका १ बस्ने बर्ष ४० को अर्जुन रुम्बा, बर्ष ३४ को राजु लामा र बर्ष ३१ को प्रदिप मोक्तानलाई प्रहरीले नियन्त्रणमा लिएको छ । प्रहरी चौकी पथलैयाबाट खटिएको प्रहरी टोलीले  बिशेष सुचनाको आधारमा नारायणगढबाट बिरगंज तर्फ जाँदै गरेको बा ४ ख ७५१७ नम्बरको यात्रु बाहक बसलाई चेक जाँच गर्ने क्रममा बसको सिट मुनि लुकाई छिपाई राखेको अवस्थामा उक्त परिमाण बराबरको लागू औषध गाँजा सहित निजहरुलाई नियन्त्रणमा लिएको हो ।  यस सम्बन्धमा प्रहरीले आवश्यक अनुसन्धान गरिरहेको छ ।