१.      बारा, निजगढ नगरपालिका-७ भमरापुल स्थितबाट लागुऔषध नुर्फिन-३० पिस, फेनार्गन-३०, डाईजोपम-३०, सपामो-१० पिस, ट्रामाडोल-१० पिस, नाईट्रोजोपन-१० पिस र सिरिन्च-१ पिस सहित स्कुटी चालक, सोही नगरपालिका-६ भमरा टोल बस्ने चित्र बहादुर राउतको छोरा अन्दाजी बर्ष ३० को अमृत राउत, लच्का टोल बस्ने बिमल पौडेलको छोरा अन्दाजी बर्ष-२० को उदय कुमार पौडेल र जित सिंह लामाको छोरा अन्दाजी बर्ष-१६ को सोयम लामा समेतलाई  सोमबार राती प्रहरीले नियन्त्रणमा लिएको छ । इलाका प्रहरी कार्यालय निजगढबाट खटिएको प्रहरी टोलीले रौतहट जङगल सहियाबाट निजगढ तर्फ डोरियाई ल्याउँदै गरेको म.प्र.०३-०२७ प ४७०४ नम्बरको स्कुटीलाई  रोकि चेकजाँच गर्ने क्रममा स्कुटीको डिक्किमा लुकाई छिपाई कालो प्लास्टिकमा प्रतिबन्धित लागुऔषध फेला पारी निजहरुलाई नियन्त्रणमा लिइ यस सम्बन्धमा प्रहरीले आवश्यक अनुसन्धान गरिरहेको छ ।