रौतहट, चन्द्रनिगाहपुर नगरपालिका ४ धनसार स्थित पूर्व पश्चिम सडक खण्डबाट ९ किलो ७५० ग्राम (प्लास्टिक सहित)  लागु औषध गाँजा सहित जिल्ला बारा निजगढ नगरपालिका १२ बस्ने बर्ष ३४ को दिपक थिङलाई आईतवार दिउँसो प्रहरीले नियन्त्रणमा लिएको छ । इलाका  प्रहरी कार्यालय चन्द्रनिगाहपुरबाट खटिएको प्रहरी टोलीले पश्चिमबाट पूर्व तर्फ आउँदै गरेको  ना ८० प ९८९३ नम्बरको मोटरसाइकललाई शंका लागी चेक जाँच गर्दा निजलाई उक्त परिमाण बराबरको लागु औषध गाँजा सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको  छ ।