१.      सिरहा, धनगढीमाई नगरपालिका वडा नं. ०१ बाखरबाट २६ किलो ३०० ग्राम लागू औषध गाँजा फेला पारी शुक्रबार दिउँसो प्रहरीले नियन्त्रणमा लिएको छ । बाखर स्थित हरिनायराण कामैतको  घर अगाडी सडकको पेटीमा २ वटा ब्याग बेवारिसे अवस्थामा राखिएको भनी भनि सुचनाको आधारमा इलाका प्रहरी कार्यालय धनगढीबाट खटि गएको प्रहरी टोलिले उक्त स्थानमा गई चेकजाँच गर्दा कालो रंगको हातमा झुण्डयाउने ब्यागमा तौल गर्दा १३ किलो ८०० ग्राम, ब्याग बाहेक १३ किलो १०० ग्राम र कलेजी रङ्गको पिठियुमा भिर्ने ब्यागमा तौल गर्दा १४ किलो, ब्याग बाहेक १३ किलो २०० ग्राम गरी जम्मा उक्त लागू औषध गाँजा फेला पारी नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

सिरहा, लहान नगरपालिका वडा नं. ०१ बाट लागू औषध Diazepam – ११ एम्पुल, Phenergan – ८ एम्पुल, Buprenorphine – १३ एम्पुल, Nitrazepam Tablets ८ पत्तामा ७९ ट्याब्लेट, Wiscorex 100 ml – १० बोतल र प्रदेश २-०१-००२ प ६२६३ नं.को मोटरसाइकल सहित  लहान नगरपालिका वडा नं. ०१ बस्ने दायाराम ठाकुरको छोरा बर्ष २३ को गौतम ठाकुर र सप्तरी सुरुङ्गा नगरपालिका वडा नं. ०८ बस्ने किरणदेव चौधरीको छोरा वर्ष २१ को गौतम चौधरी समेतलाई शनिबार दिउँसो प्रहरीले नियन्त्रणमा लिएको छ । निज गौतम ठाकुरले भारतबाट लागु औषधहरु खरिद गरी आफ्नै घरमा लुकाई छिपाई  राखि बिक्रि बितरण कारोवार गर्ने गरेको भनि गोप्य सुचनाको आधारमा इलाका प्रहरी कार्यालय लहान सिराहाबाट खटिएको प्रहरी टोलीले निजलाई नियन्त्रणमा लिन खोज्दा निजले आफ्नै हातमा झुण्डाएको फिक्का पहेँलो रङको झोला गहुँ बारीमा फालेकोमा निजलाई नियन्त्रणमा लिई खानतलासी गर्दा निजले लगाएको पाईन्टको अगाडी तर्फको दाहिने खल्तीबाट तथा झोलाबाट उक्त लागू औषधहरु फेला पारेको र निजकै घरमा लुकि छिपी बसि रहेको अवस्थाबाट गौतम चौधरी समेतलाई फेला पारी, लागू औषध र मोटरसाइकल सहित निजहरुलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।