मोटरसाइकल चोरी गर्ने मानिस नियन्त्रणमा

२०८२-०९-२२

A
A^-
A⁺

सिरहा, बिष्णुपुर गाउँपालिका वडा नं. ०१ हरिनगरा टोल स्थित रामबृक्ष कामतीको छोरा अन्दाजी बर्ष ४२ को बिजय कुमार कामतीले आफ्नै घरमा पार्किङ्ग गरी राखेको स १० प ३४०१ नं.को १५० CC को रातो पल्सर मोटरसाईकल चोरी फरार भएका जिल्ला सिरहा बिष्णुपुर गाउँपालिका वडा नं. ०५ लक्ष्मीपुर चौक बस्ने हिरालाल कामतीको छोरा अन्दाजी बर्ष १९ को सत्यासी कुमार कामतीलाई सोमबार राती प्रहरीले नियन्त्रणमा लिएको छ । मोटरसाईकल चोरी भएको भन्ने सुचनाको आधारमा इलाका प्रहरी कार्यालय विष्णुपुरबाट खटिएको प्रहरी टोलीले खोजतलास गर्ने क्रममा जिल्ला सिरहा विष्णुपुर गाउँपालिका वडा नं. ०५ लक्ष्मीपुर चौकबाट उक्त नम्बरको मोटरसाईकल चोरी गरी भाग्ने क्रमममा मोटरसाईकल सहित निजलाई फेला पारी नियन्त्रणमा लिई थप अनुसन्धान तथा कारवाहीको लागि जिल्ला प्रहरी कार्यालय सिरहा पठाइएको छ । यस सम्बन्धमा प्रहरीले आवश्यक अनुसन्धान गरिरहेको छ ।

सम्बन्धित समाचार

लागु औषध सहित मानिस नियन्त्रणमा

२०८२-०९-२२

सिरहा, गोलबजार नगरपालिका वडा नं. ०२ स्थितबाट लागु औषध खैरो हेरोईन ( प्लाष्टिक सहित तौल गर्दा ४ ग्राम ६७० मिलीग्राम प्लाष्टिक बाहेक तौल गर्दा ३ ग्राम ८०० मिलीग्राम ) सहित सिरहा गोलबजार नगरपालिका वडा नं. ०५ CDO टोल बस्ने किसुन यादवको छोरा अन्दाजी वर्ष २२ को अभिषेक यादव, धनगढीमाई नगरपालिका वडा नं. ०८ चियावारी बस्ने सोनेलाल शर्माको छोरा अन्दाजी वर्ष २४ को नवराज शर्मा र सिन्धुली कमलामाई नगरपालिका वडा नं. ०९ बस्ने ज्ञानेन्द्र देवकोटाको छोरा अन्दाजी वर्ष ३९ को प्रभात देवकोटालाई सोमबार राती प्रहरीले नियन्त्रणमा लिएको छ । लागु औषध खैरो हेरोईनको बिक्रि वितरण भईरहेको छ भन्ने गोप्य सूचनाको आधारमा इलाका प्रहरी कार्यालय गोलबजारबाट खटिएको प्रहरी टोलीले जमनटोकी देखि गरुधाम जाने बाटो छेउ स्थित फुसको टहरा भित्र शंकास्पद रुपमा बसि रहेका मानिसहरुको शरीर खानतलासी गर्दा निज प्रभात देवकोटाले लगाएको ज्याकेटको गोजि भित्र लुकाइ छिपाई राखेको लागु औषध फेला पारी उक्त लागु औषध सहित तिनै जनालाई प्रहरीले नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

अबैध गाँजा खेती नष्ट तथा फडानी:-

२०८२-०९-२२

१. सर्लाही, लालबन्दी नगरपालिका वडा नं. १४ र वडा नं. १५ स्थित आसपासको चुरे क्षेत्र, सिरु डाँडा, ब्लोन टोल र कालिन्जोरबाट अन्दाजी १३ बिगाहामा रहेको अन्दाजी २ लाख २० हजार भन्दा बढि अवैध गाँजाको बोट विरुवा सोमबार बिहान प्रहरीले नष्ट तथा फडानी गरेको छ । जिल्ला प्रहरी कार्यालय सर्लाही र इलाका प्रहरी कार्यालय लालबन्दीबाट खटिएको प्रहरीको संयुक्त टोलीले स्थानीयहरुले आफ्नो घर तथा जग्गामा लगाएका अवैध गाँजा खेती नष्ट तथा फडानी गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

गाई,गोरु र पिकअप गाडी सहित मानिस नियन्त्रणमा

२०८२-०९-२२

१. महोत्तरी, बर्दिवास नगरपालिका वडा नं. ३ गौरीडाँडा काँटा स्थितबाट पशु भेटनगरी बिल नभएको अन्दाजी रु. ११,५०,०००।– (एघार लाख पचास हजार) मुल्य बराबरको ३ वटा गाई, ३ वटा गोरु र प्रदेश १०१००१च ८८१७ नं. को पिकअप गाडिको मुल्य सहित चालक जिल्ला सिन्धुली कमलामाई नगरपालिका वडा नं. १४ चन्दनपुर बस्ने अन्दाजी बर्ष ३० को निराजन खड्कालाई सोमबार बिहान प्रहरीले नियन्त्रणमा लिएको छ । इलाका प्रहरी कार्यालय बर्दिवास र जिल्ला ट्राफिक प्रहरी कार्यालय महोत्तरीबाट खटिएको संयुक्त प्रहरी टोलीले ट्राफिक चेकिङ्गको क्रममा सिन्धुलीबाट बर्दिवास तर्फ आउदै गरेको उक्त पिकअप गाडिलाई रोकी चेकजाँच गर्दा पशु भेटनरी बिल नभएको अवस्थामा ६ वटा गाई, गोरु फेला पारी गाई गोरु सहित पिकअप र चालकलाई प्रहरीले नियन्त्रणमा लिई आवश्यक अनुसन्धान तथा कारवाहीको लागि गाई, गोरु र पिकअप भिठ्ठामोड भन्सार कार्यालय महोत्तरीमा बुझाएको हो । पिकअप चालकलाई जिल्ला प्रहरी कार्यालय महोत्तरीमा बुझाई प्रहरीले आवश्यक अनुसन्धान गरिरहेको छ ।

नक्कली नोट सहित मानिस नियन्त्रणमा

२०८२-०९-२१

१. बारा, सुवर्ण गाउँपालिका वडा नं. ३ सतगंज स्थितबाट लालिगुरासको वाटरमार्क छापिएको १००० लेखिएको कागज थान -१८० र सादा कागज ७५ गरी जम्मा २५५ थान, भारतय रूपैयाँ रु.५००।– दरका ३१७ वटा नोटहरू जम्मा रू.१,५८,५००।–(एक लाख अन्ठाउन्न हजार पाँच सय ), नक्कली पेस्तोल १ थान, BR 05 AF 2511 नं.को भारतीय मोटरसाईकल, नक्कली नोट छाप्न प्रयोग हुने उपकरणहरु सहित जिल्लाको कलैया उप-महानगरपालिका वडा नं. ०२ कवलपुर वस्ने रघुनाथ राउतको छोरा वर्ष २८ को गौरी शंकर यादव र जिल्ला बारा फेटा गाउँपालिका वडा नं. ०३ फेटा बस्ने राम भरोस श्रीवास्तको छोरा वर्ष २८ को रबि कुमार श्रीवास्तवलाई आइतबार राती प्रहरीले नियन्त्रणमा लिएको छ । जिल्ला प्रहरी कार्यालय बारा र जिल्ला प्रहरी परिसर भद्रकाली काठमाण्डौंबाट खटिएको संयुक्त प्रहरीको टोलीले निज गौरीशंकर यादवलाई नियन्त्रणमा लिई नक्कली नोटहरुको बारेमा सोधपुछ गर्दा निजले छाप्ने/बनाउने गरेको छैन, भारतमा कोठा गरी बस्ने रबि कुमार श्रीवास्तवले जाली नोटहरु छाप्ने/बनाउने गर्छन् भन्ने सूचनाको आधारमा जाली नोटहरू छाप्ने/बनाउने आवश्यक सम्पुर्ण उपकरणहरू लगायतका सामाग्रीहरू लिएर नेपाल आउन भनि यादवले श्रीवास्तवलाई भनेको हुँदा भारतबाट नेपाल तर्फ आउँदै गरेको उक्त मोटरसाईकलको पछाडि सिटमा जाली नोटहरु छाप्ने/बनाउने कम्प्युटर लगायत प्रिन्टिङ्ग मेसिन समेत बाँधी आउँदै गरेको अवस्थामा उक्त सामानहरु सहित फेला पारी सामान सहित मोटरसाईकल, नक्कली पेस्तोल, रुपैयाँ र श्रीवास्तवलाई प्रहरीले नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

सवारी साधनहरु नियन्त्रणमा लिएको सम्बन्धी

२०८२-०९-२१

१. रौतहट, ईशनाथ नगरपालिका वडा नं. ४ महुलिया टोल स्थितबाट शंकास्पद अवस्थामा रहेको भारतीय WB16AK3973 नं.को इको स्पोर्ट कार, BR05R6221 स्कुटर, BR05A3985 प्यासन प्रो, BR05U3317, BR06BZ8008, BR05S8539 र BR05AF7394 ग्यालेम्भर र BR05AA3365, BR05AY1224 र नम्बर प्लेट नभएको २ वटा स्पलेण्डर मोटरसाईकल सहित जम्मा ११ वटा सवारी साधनहरु प्रहरीले शनिबार राति नियन्त्रणमा लिएको छ । जिल्ला प्रहरी कार्यालय रौतहटबाट खटिएको प्रहरी टोलीले गोप्य सूचनाको आधारमा जिल्ला रौतहट ईशनाथ नगरपालिका वडा नं. ४ स्थितमा रहेको आँपको बगैंचामा लुकाई छिपाई राखेको उल्लेखित सवारी साधनहरुलाई प्रहरी नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

लागु औषध सहित मानिस नियन्त्रणमा

२०८२-०९-२१

१. सर्लाही, लालबन्दी नगरपालिका वडा नं. १ जङ्गल टोल स्थितबाट लागु औषध ६० किलोग्राम गाँजा, BR02PB2226 नम्बरको भारतीय कार, बागमती प्रदेश ०६-०२ प १७७० नम्बरको मोटरसाईकल सहित जिल्ला सर्लाही लालबन्दी नगरपालिका वडा नं. १ नवलपुर बस्ने वाजुल साहको छोरा अन्दाजी बर्ष ३२ को नुरहसन साहलाई आइतबार बिहान प्रहरीले नियन्त्रणमा लिएको छ । इलाका प्रहरी कार्यालय नवलपुरबाट खटिएको प्रहरीको टोलीले डाबरीबाट लालबन्दी तर्फ आउँदै गरेको उक्त कार र मोटरसाईकल माथी शंका लागि चेकजाँच गर्न खोज्दा नरोकी तिव्रगतिमा भाग्ने क्रममा मोटरसाईकल चालकलाई नियन्त्रणमा लिई सोधपुछ गर्दा उल्लेखित कारमा लागु औषध गाँजा रहेको छ भने पश्चात इलाका प्रहरी कार्यालय लालबन्दीबाट खटिएको प्रहरी टोलीले भाग्दै गरेको कारलाई पछ्याउने क्रममा कार अनियन्त्रित भई स्थानिय व्यक्तिको घरमा ठोकिएर कार छाडी चालक फरार रहेको अवस्थामा उक्त कार चेकजाँच गर्दा कारको सिटको पछाडि लुकाई छिपाई राखेको अवस्थामा उक्त लागु औषध गाँजा फेला पारी गाँजा सहित भारतीय नम्बरको कार, मोटरसाईकल र मोटरसाईकल चालकलाई नियन्त्रणमा लिई फरार रहेको कार चालकको खोजतलास कार्य भइरहेको छ । यस सम्बन्धमा प्रहरीले आवश्यक अनुसन्धान गरिरहेको छ । २. सर्लाही, बलरा नगरपालिका वडा नं. ३ स्थितबाट लागु औषध ८० किलो ९०० ग्राम गाँजा सहित BR33PA3701 नम्बरको भारतीय कार आइतबार बिहान प्रहरीले नियन्त्रणमा लिएको छ । विशेष सूचनाको आधारमा सशस्त्र प्रहरी बल, नेपाल सीमा सुरक्षा गुल्म हेक्वा मलंगवा र बि.ओ.पि. मधुवनीबाट खटिएका सशस्त्र प्रहरीको संयुक्त टोलीले उक्त कारलाई पछ्याँउदै जाँदा गाडि चालक र सवार मानिसहरु फरार भएको र उक्त गाडि चेकजाँच गर्दा फल्स बटन बनाई लुकाई छिपाई राखिएको अवस्थामा उक्त लागु औषध गाँजा फेला पारी गाँजा सहित भारतीय कार सशस्त्र प्रहरीले नियन्त्रणमा लिई आवश्यक कारवाहीको लागि जिल्ला प्रहरी कार्यालय सर्लाहीमा बुझाएको छ । यस सम्बन्धमा प्रहरीले आवश्यक अनुसन्धान गरिरहेको छ ।