घटनाको छोट्करी विवरण:

पर्सा, मिति २०८०/०६/०२ गते दिउँसो अं.१५:०० बजेको समयमा जिल्ला पर्सा जगरनाथपुर गाउँपालिका वडा नं.५ मसिहानी टोल बस्ने स्व. सनिक राउत विनको श्रीमती अं.वर्ष ५६ की कान्ती देवी वीनलाई निजकै घर कोठा भित्र  घाटी रेटी कर्तव्य गरी मारेको अवस्थामा मृतक लाश फेला परेको भन्ने जानकारी प्राप्त ।

वारदात मिति, समय र स्थान:- मिति २०८०/०६/०१ गते राती अं.२३:४५ बजेको समयमा जिल्ला पर्सा जगरनाथपुर गा.पा.वडा नं.५ मसिहानी टोल स्थित मृतकको घर भित्र ।

प्रहरी परिचालन: घटनाको सूचना प्राप्त हुनासाथ जि.प्र.का. पर्साबाट कार्यालय प्रमुखको कमाण्डमा SOCO, तालिम प्राप्त कुकुर  सहितको प्रहरी टोली घट्नास्थलमा खटी गई घट्नास्थल तथा लाशजाँच मुचुल्का लगायतका कार्य पुरा गरी मृतक लाश पोष्ट मार्टमको लागि नारायणी अस्पताल बीरगंजमा पठाइएको र मृतकको छोरा बैदेशिक रोजगारको शिलसिलामा मलेसियामा रहेको हुँदा पोष्ट मार्टम पश्चत मृतक लास सदगतको लागि तत्काल मृतकको जेठाजु नाता पर्ने चन्द्रिका राउत वीनले जिम्मा बुझी लगेको ।

अनुसन्धानबाट हाल सम्म खुलेका तथ्यहरु

·       मृतकको छोरा जाहेरवाला अर्जुन मुखिया वीन बिदेशबाट घर आए पश्चात प्रतिवादी लालबाबु राउत वीनको नाममा मिति २०८०/०६/०७ गतेका दिन किटानी जाहेरी दरखास्त दिए पश्चात निज प्रतिवादीलाई पक्राउ गरी प्रस्तुत मुद्दामा सोही दिन म्याद थप गरी अनुसन्धान कार्य जारी गरिएको ।

·       प्रतिवादी लालबाबु राउत वीनलाई अधिकार प्राप्त अधिकारी समक्ष बयान गर्दा प्रस्तुत घटनामा निज लालबाबु राउत वीन, मृतकको जेठाजुहरु चन्द्रिका राउत वीन र अमीरीका राउत वीन समेतको संलग्नता रहेको भनि खुलाएको हुँदा निजहरूलाई समेत मिति २०८०/०६/१४ गतेको पक्राउ सम्मानित अदालतबाट म्याद थप गरी अनुसन्धान कार्य भइरहेको ।

·       प्रतिवादीहरूले मृतकको घरमा चोरी गर्ने योजना बनाई मृतकको घरमा सुरुङ बनाइ (सेनकाटी)घर भित्र प्रवेश गरी चोरी गर्नको लागि बक्साहरू खोतिल्दै गरेको अवस्थामा मृतक बिउझी प्रतिवादीहरूलाई चिने पश्चात पोल खुल्ने डरले प्रतिवादीहरू मिली मृतकको टाउकोमा रड र काठको फलेकले प्रहार गरी बेहोस बनाए पश्चात, प्रतिवादी  सिरानीले मुख थुनि खुर्पीले घाँटी  रेटी हत्या गरेको भनि प्रतिवादी लालबाबु राउत वीनको बयानबाट खुलेको ।

·       अनुसन्धानको क्रममा प्रतिवादीहरूको पोलिग्राफ परीक्षण समेत गराइएको  ।

·       घटना सम्बन्धमा थप अनुसन्धान कार्य भइरहेको ।

घटनामा संलग्न तथा पक्राउ प्रतिवादीहरू

१) जिल्ला पर्सा जगरनाथपुर गाउँपालिका वडा नं. ५ मसिहानी टोल बस्ने चलितर राउतको छोरा वर्ष ३६ को भुट्टा भन्ने लालबाबु राउत वीन । (पक्राउ मिति: २०८०/०६/०७)

२) ऐ.ऐ.बस्ने बृक्षा राउत वीनको छोरा वर्ष ५९ को चन्द्रिका राउत वीन । (पक्राउ मिति: २०८०/०६/१४)

३) ऐ.ऐ.बस्ने बृक्षा राउत वीनको छोरा वर्ष ५७ को अमिका भन्ने अमीरीका राउत वीन । (पक्राउ मिति: २०८०/०६/१४)