१.      रौतहट, लागु औषध मुद्दामा रु. २,०००/- जरिवाना भएको फरार प्रतिवादीलाई प्रहरीले पक्राउ गरेको छ । पक्राउ पर्नेमा जिल्ला रौतहट चन्द्रपुर न.पा.९ बस्ने वर्ष २४ को बिनय बि.क. रहेका छन् । इ.प्र.का. चन्द्रनिगाहपुर रौतहटबाट खटिएको प्रहरी टोलिले निजलाई चन्द्रपुर नगरपालिका ८ हातिसारबाट आईतवार पक्राउ गरेको हो । यस सम्बन्धमा प्रहरीले थप अनुसन्धान कार्य गरिरहेको छ ।

२.      धनुषा, ठगी अपराधिक विश्वासघात तथा बैंकिङ कसुर मुद्दाका फरार प्रतिवादीलाई प्रहरीले पक्राउ गरेको छ । पक्राउ पर्नेमा जिल्ला महोत्तरी लोहारपट्टि न.पा. १ घर भई हाल जिल्ला धनुषा जनकपुर उप-महानगरपालिका ७ भ्रमपुरा चोक घरमा बस्ने अं. वर्ष ४० को आशु अलि बैठा रहेका छन् । प्र.चौ. धनौजी, धनुषाबाट खटिएको प्रहरी टोलिले निजलाई ऐ. धनौजी गा.पा.३ झोझि कटैयाबाट आईतवार राती पक्राउ गरेको हो । निजलाई आवश्यक अनुसन्धान तथा कारवाहीको लागी जि.प्र.का. धनुषामा पठाईएको छ ।

३.      बारा, लागु औषध मुद्दामा २ बर्ष १० महिना ४ दिन कैद सजाय बाँकी भएको फरार प्रतिवादीलाई प्रहरीले पक्राउ गरेको छ । पक्राउ पर्नेमा जिल्ला बारा सिम्रौनगढ न.पा. १ बैरिया बस्ने अं. बर्ष ४० को बटखरी राय यादब रहेका छन् । प्रहरी चौकी अमृतगंज खजानी बाराबाट खटिएको प्रहरी टोलीले निजलाई जिल्ला बारा पचरौता न.पा. १ पिपरपाती बेस क्याम्प नजिकबाट सोमबार पक्राउ गरेको हो । निजलाई इ.प्र.का. सिम्रौनगढ बारामा ल्याई थप अनुसन्धान कार्य भईरहेको छ ।