१.      बारा, निजगढ नगरपालिका-१० रतनपुरबाट अवैध लागूऔषध गाँजा १६ किलो ३४० ग्राम सहित १ जनालाई सोमबार बिहान प्रहरीले पक्राउ गरेको छ । पक्राउ पर्नेमा जिल्ला रौतहट गौर नगरपालिका-४ टिकुलिया बस्ने बयनाथ पटेलको छोरा अन्दाजि बर्ष २२ को साजन पटेल रहेका छन् । अस्थाई प्रहरी पोष्ट रतनपुर बाराबाट खटिएको प्रहरी टोलिले निजलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.      बारा, जितपुर सिमरा उप-महानगरपालिका-३ लल्का पुल स्थितबाट अवैध लागूऔषध गाँजा ९ किलो ७०६ ग्राम, प्रदेश ३-०३-००१ प ३१५८ नं. को स्कूटी सहित २ जनालाई मंगलबार बिहान प्रहरीले पक्राउ गरेको छ । पक्राउ पर्नेमा जिल्ला मकवानपुर राकसिराङ गाउँपालिका-१ ढुढेन बस्ने रमेश मोक्तानको छोरा अन्दाजि बर्ष १९ को विनोद मुक्तान र सिही स्थानमा बस्ने प्रेम मुक्तानको छोरा अन्दाजि बर्ष १९ को अनिल मुक्तान रहेका छन् । इलाका प्रहरी कार्यालय सिमरा बाराबाट खटिएको प्रहरी टोलिले निजहरुलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

३.      रौतहट, चन्द्रपुर नगरपालिका-४ न्यू चन्द्रपुर होटेलबाट अवैध लागूऔषध ब्राउन सुगर जस्तो देखिने पदार्थ मिलिग्राम सहित २ जनालाई मंगलबार दिउँसो प्रहरीले पक्राउ गरेको छ । पक्राउ पर्नेमा चन्द्रपुर नगरपालिका-४ बस्ने अन्दाजि बर्ष २८ को राजु दुलाल र जिल्ला मकवानपुर हेटौडा-३ बस्ने अन्दाजि बर्ष २३ की एञ्जिला तामाङ रहेका छन् । इलाका प्रहरी कार्यालय चन्द्रपुर रौतहटबाट खटिएको प्रहरी टोलिले निजहरुलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

४.      महोत्तरी, बर्दिबास नगरपालिका-३ अस्थाई ट्राफिक पोष्ट गौरीडाडाँ स्थितबाट अवैध लागूऔषध ब्राउन सुगर जस्तो देखिने पदार्थ ७५ ग्राम, प्रदेश २-०१-००१ च ०४४१ न.को स्कारपियो सहित ३ जनालाई मंगलबार राती प्रहरीले पक्राउ गरेको छ । पक्राउ पर्नेमा जिल्ला सिरहा मिर्चैया नगरपालिका-८ मझौरा बस्ने अन्दाजि बर्ष २१ को मुरली कुमार राय, मिर्चैया नगरपालिका-१ बस्ने अन्दाजि बर्ष २४ को रमण घिमिरे र मिर्चैया नगरपालिका-७ बस्ने अन्दाजि बर्ष १९ को सुनिल पट्टेल रहेका छन् । इलाका प्रहरी कार्यालय बर्दिबास, लागूऔषध नियन्त्रणमा ब्युरो शाखा कार्यालय बर्दिबास र ट्राफिक सहित खटिएको संयुक्त प्रहरी चेकिङ टोलिले निजहरुलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।