मिति २०७९/०९/२८ गते ११:२५ बजेको समयमा जिल्ला बारा महागढीमाई न.पा.वडा नं. ७ तेलकुवामा नेपाल प्रहरी श्रीमती संघको आयोजना र मधेश प्रदेश प्रहरी अस्पताल, रूपनी, सप्तरी र बिरगंज हेल्थ केयर, पर्साको प्रविधिक सहयोगमा जिल्ला बारा महागढीमाई न.पा.का मेयर उपेन्द्र यादव ज्यूको सभापतित्व, नेपाल प्रहरी श्रीमती संघकी अध्यक्ष कुसुमलता सिंह ज्यूको प्रमुख आतिथ्य र मधेश प्रदेश प्रहरी प्रमुख प्र.ना.म.नि. मसऊद आलम खाँज्यूको विशेष आतिथ्यमा “नि:शुल्क स्वास्थ्य शिविर तथा विपन्न परिवारहरुका लागि न्यानो कम्बल वितरण कार्यक्रम” सम्पन्न गरिएको र उक्त कार्यक्रममा निम्न अनुसारको सेवाहरू प्रवाह गरी ऐ.१६:०० बजे समाप्त भएको व्यहोरा सादर जाहेर (०)

निम्न :-

Ø  जिल्ला बारा महागढीमाई न.पा.वडा नं.२ र ७ का २२३ जना विपन्न परिवारलाई नेपाल प्रहरी श्रीमती संघकी अध्यक्ष कुसुम लता सिंह ज्यू लगायत अन्य सदस्यहरुज्यूबाट २/२ थान गरी जम्मा ४४६ थान न्यानो कम्बल वितरण गरिएको ।

Ø  नि:शुल्क स्वास्थ्य शिविर कार्यक्रममा मधेश प्रदेश प्रहरी अस्पताल रूपनी सप्तरीका प्रा.प्र.उ.डा.नविन कुमार चौधरीका विशेषज्ञको टोली र बिरगंज हेल्थ केयर पर्साका डा.मनोज कुमार कुशवाहा समेतको १५ जना विशेषज्ञ चिकित्सकहरूको टोलीद्वारा ४३२ जना स्थानीय विपन्न वर्गलाई बाल रोग, जनरल फिजिसियन, स्त्री तथा प्रसुती रोग, हाडजोर्नी लगायत विभिन्न रोगहरूको उपचार तथा स्थानी औषधि निर्माताबाट प्राप्त रू.१,४२,५००।- बराबरको  औषधी तथा मधेश प्रदेश प्रहरी अस्पतालबाट प्राप्त औषधिहरू नि:शुल्क वितरण गरिएको ।

Ø  प्रमुख अतिथी नेपाल प्रहरी श्रीमती संघकी अध्यक्ष कुसुम लता सिंहज्यूबाट महागढीमाई न.पा.का मेयर उपेन्द्र यादव ज्यूलाई FIRST AID KIT BOX प्रदान गरिएको ।