प्रहरी कन्ट्रोल : १००, टोल फ्री नं.: १६६००१४१५१६
नेपा
EN

कुटपिटबाट एकजना मानिसको मृत्यु

२०८०-०४-२४

  • A
  • A-
  • A+
Share


            पर्सा, मिति २०८०।०४।२० गते साझँ २१:३० बजेको समयमा जिल्ला पर्सा पर्सागढी न.पा. वडा नं. ४ बर्वाटोल स्थित अलि महम्दको घर आगँनमा ऐ.ऐ. बस्ने अतुल्लाह अंसारीवीच झै-झग्डा कुटपिट हुँदा अली महम्दको छोरा २८ को जुमदिन अन्सारीको टाउकोमा गम्भिर चोट लाग्दा निज घाईते भएको भन्ने खबर प्राप्त हुनासाथ प्रहरी टोली खटि गई घाइते जुमदिन अन्सारीलाई उपचारको लागि वीरगञ्ज स्थित नारायणी अस्पतालमा ल्याइ उपचार गराउँदा निजको स्वास्थ्यमा सुधार नहुँदा थप उपचारको लागि L.S.न्यूरो अस्पताल बारामा ल्याइ थप उपचारको क्रममा मिति २०८०।०४।२४ गते विहान ०५:१५ बजेको समयमा मृत्यु भएको हुँदा मृतक लासको लास जाँच प्रकृति मुचुल्का लगायतको कार्य सम्पन्न भएको ।

              घटनाको सम्बन्धमा अतुल्लाह अंसारी समेतलाई कानुन बमोजिम पक्राउ गरी प्रारम्भिक अनुसन्धानको क्रममा भारतको केरलामा बस्ने अतुल्लाह अन्सारीको बहिनीलाई मृतकको भाईले फोन सम्पर्क गरी भगाउने प्रयास गरेको भन्ने विषयमा विवाद भई अतुल्लाह अन्सारी समेत तिन जनाले जुमदिन अन्सारीलाई काठको चिर्पटले टाउकोमा प्रहार गरी गम्भीर घाईते भई सोही चोटको कारणले उपचारको क्रममा मृत्यु भएको ।

              वारदातमा संलग्न अतुल्लाह अन्सारी समेत २ जनालाई पक्राउ गरी कर्तव्य ज्यान मुद्दा अन्तर्गत थप अनुसन्धान भैरहेको ।

                                                     निम्न :-

१.      जिल्ला पर्सा पर्सागढी न.पा. वडा नं. ४ बस्ने वर्ष २४ अतुल्लाह अन्सारी  ।

२.      ऐ.ऐ.बस्ने वर्ष ४५ को बच्चाबाबु अन्सारी भन्ने वकिल अन्सारी ।

सम्बन्धित समाचार
लागु औषध खैरो ब्राउन सुगर सहित मानिस नियन्त्रणमा
२०८२-०१-१०

धनुषा, बिदेह नगरपालिका-१ ठाडिझिझा स्थितबाट लागु औषध खैरो ब्राउन सुगर जस्तो देखिने पदार्थ अन्दाजी-१२ ग्राम सहित मोटरसाईकल चालक जिल्ला धनुषा जनकपुर उप-महानगरपालिका-८ बस्ने संजय शर्माको छोरा अन्दाजी वर्ष २४ को ओमराज शर्मा र पछाडि सवार जिल्ला महोत्तरी  लोहारपट्टी नगरपालिका- ७ घर भई हाल जिल्ला धनुषा जनकपुर उप-महानगरपालिका-६ पुलचोक बस्ने जिवछ ठाकुरको छोरा अन्दाजी वर्ष-२३ को रूपेश कुमार ठाकुरलाई मंगलबार दिउँसो प्रहरीले नियन्त्रणमा लिएको छ । प्रहरी चौकी ठाडिझिझाबाट खटिएको प्रहरी टोलीले कार्यालय अगाडी चेक जाँच गर्ने क्रममा भारतबाट नेपाल तर्फ आउँदै गरेको ज१३प १३३७ नम्बरको मोटरसाईकललाई रोकी चेक जाँच गर्दा हेलमेटमा लुकाई छिपाई राखिएको खैरो ब्राउन सुगर जस्तो देखिने पदार्थ सहित निजहरुलाई नियन्त्रणमा लिएको छ । यस सम्बन्धमा प्रहरीले आवश्यक अनुसन्धाण गरिरहेको छ । 

फरार प्रतिवादी पक्राउ
२०८२-०१-०९

१ सप्तरी, अपहरण तथा शरीर बन्धक बनाई जवरजस्ती करणी मुद्दामा ८ वर्ष कैद सजाय भएको फरार प्रतिवादी जिल्ला सप्तरी सुरुङगा नगरपालिका-५ बस्ने वर्ष-२८ को मो.इम्तियाज अहमदलाई सोमबार दिउँसो प्रहरीले पक्राउ गरेको छ । इलाका प्रहरी कार्यालय कडरबोना सप्तरीबाट खटिएको प्रहरी टोलीले कुशाह स्थितबाट पक्राउ गरी सम्मानित जिल्ला अदालत सप्तरीमा बुझाई कारागार चलान गरिएको छ ।   २ सिरहा, जबरजस्ती करणी तथा गर्भपतन सम्बन्धि कसुरको चालु मुद्दाको फरार प्रतिवादी धनगढीमाई नगरपालिका-१ छप्रारी बस्ने बर्ष-२९ को राधेश्याम कामैतलाइ मंगलबार बिहान प्रहरीले नियन्त्रणमा लिएको छ । इलाका प्रहरी कार्यालय लहानबाट खटिएको प्रहरी टोलीले खोजतलास गर्दै जाने क्रममा निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

पेस्तोल सहित मानिस नियन्त्रणमा
२०८२-०१-०८

जिल्ला, सिरहा बरियारपट्टी गाउँपालिका-१ स्थित प्रहरी चौकी  कचनारीको कार्यालय अगाडी  खटीएको प्रहरी चेकीङ् टोलिले नर्गि चौकबाट भारत तर्फ जाँदै गरेको  नम्बर प्लेट नभएको हिरो कम्पनीको मोटरसाइकल रोकी चेक जाँच गर्दा मोटरसाइकल चालक देश भारत जिल्ला मधुवनी ग्रामपंचायत पिपराही वडा नम्बर-२  कमल पुर बस्ने धर्मेन्द्र सिंहको छोरा बर्ष अन्दाजी-१७ को राजिव सिंह पछाडी सवार सोही स्थान बस्ने फुलेश्वर सिंहको छोरा बर्ष अन्दाजी-१४ को प्रिन्स सिंहको कम्मरमा भिरेको कटुवा पेस्तोल थान एक र निजले लगाएको ट्रयाकको गोजीबाट 303  राईफलमा लाग्ने गोली थान एक फेला पारी निजहरुलाई नियन्त्रणमा लिई आवश्यक अनुसन्धान गरिरहेको छ ।

लागु औषध सहित मानिस नियन्त्रणमा
२०८२-०१-०४

जिल्ला, सर्लाही मरिनबाट लालबन्दी तर्फ लागू औषध गाँजा  ओसार पसार भईरहेको भन्ने विशेष सूचनाको आधारमा ईलाका प्रहरी कार्यालय, लालबन्दीबाट र प्रहरी चौकी पत्थरकोटबाट पत्थरकोट-१३ चोकमा सवारी साधनहरु चेकजाँच गर्ने क्रममा मरिनबाट लालबन्दी तर्फ आउँदै गरेको बा२०च १७८२ नम्बरको बोलेरो पिकअप गाडी सहित चालक जिल्ला सर्लाही लालबन्दी नगरपालिका नवलपुर बस्ने सिकिन्दर चौधरीको छोरा अन्दाजी वर्ष २५ को सुशिल चौधरीलाई नियन्त्रणमा लिइ सवारी चेकजाँच गर्दा धानको भुस्साको बोरा मुनी लुकाइ छिपाइ राखेको अवस्थामा रातो प्लाष्टिकमा प्याक गरी राखेको ४५ पोका अन्दाजी २४४ किलो ग्राम लागु औषध गाँजा नियन्त्रणमा लिइ आवश्यक अनुसन्धान गरिरहेको छ ।