पर्सा, मिति २०८०।०९।२३ गते अं.१८:०० बजेको समयमा बिशेष सूचनाको आधारमा प्रहरी चौकी बसपार्क तथा लागु औषध नियन्त्रण ब्यूरो शाखा कार्यालय पर्साबाट खटिएको संयुक्त चेकिङ टोलीले गस्ति गर्दै जाने क्रममा जिल्ला पर्सा वि.म.न.पा. ८ स्थित सडकखण्डमा दुई जना व्यक्तिहरू संकाष्पद रूपमा बाटोको छेउमा उभिई एकआपसमा कुराकानी गर्दै गरेको अवस्थामा निजहरूलाई कानूनी रीतपुर्‍याई खानतलासी गर्दा जिल्ला बारा जितपुर सिमरा उ.म.न.पा. ७ बस्ने बर्ष ३८ को बिनोद प्रसाद गुप्ताले लगाएको पाइन्टको दाहिने खल्तीबाट २ वटा सेतो रंगको प्लाष्टिकमा बेरी राखेको पोकाभित्र लुकाइ छिपाइ राखिएको लागु औषध खैरो हिरोईन जस्तो देखिने सेतो पदार्थ १०२ ग्राम फेला परेको र ऐ.ऐ. बस्ने वर्ष ३८ को फिरोज चौधरी समेतलाई उल्लेखित लागु औषध सहित निजहरूलाई नियन्त्रणमा लिई जि.प्र.का. पर्सामा ल्याइ निजहरू विरुद्ध लागु औषध सम्बन्धी कसूरमा थप अनुसन्धान कार्य भैरहेको ।