१.      सिरहा, जिल्ला सिरहा औरही गा.पा. १ दरहिया चोक स्थितबाट लागू औषध NITRAVET-10 लेखिएको १ पत्तामा १५ ट्याब्लेट सहित जिल्ला सिरहा गोलबजार न.पा. ९ बस्ने वर्ष १६ को बिक्की कुमार पासवानलाई बुधबार साँझ प्रहरीले पक्राउ गरेको छ । प्रहरी चौकी अर्कट्टी, सिरहाबाट खटिएको प्रहरी टोलीले भारतबाट नेपाल तर्फ आउँदै गरेको अवस्थामा निजलाई उक्त लागू औषध सहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

२.     धनुषा, जिल्ला धनुषा जनकपुर उ.म.न.पा. १२ सिक्स लाईन स्थितमा लागू औषध नाइट्रोभेट -१० लेखिएको (तीन पत्ता) ४५ पिस सहित  जिल्ला धनुषा जनकपुर उ.म.न.पा. १५ रामपुर बस्ने बर्ष २० को सुरज मुखियालाई बिहीबार बिहान प्रहरीले पक्राउ गरेको छ । प्रहरी चौकी हनुमाननगरबाट खटिएको प्रहरी टोलीले चेक जाँच गर्ने क्रममा निजलाई उक्त लागू औषध सहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

३.     सिरहा, सिरहा नगरपालिका १२ सारश्वरको कमला बाँध स्थितमा ब्राउन सुगर जस्तो देखिने पदार्थ ४७० मिली ग्राम सहित जिल्ला सिरहा कल्याणपुर नगरपालिका १० करुणयाही टोल बस्ने बर्ष २२ को शम्भु पासवान र लागू औषध गाँजा ५.१७० ग्राम सहित सोही स्थान बस्ने बर्ष १९ को अबि कुमार पासवानलाई बिहीबार दिउँसो प्रहरीले पक्राउ गरेको छ । प्रहरी चौकी बेल्हा, सिरहाबाट खटिएको प्रहरी टोलीले माडरबाट कल्याणपुर तर्फ आउँदै गरेको प्रदेश २-०१-००२ प २३९२ नम्बरको मोटरसाईकललाई चेकजाँच गर्ने क्रममा उक्त लागू औषध सहित निजहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।