१.      बारा, कलैया उप.म.न.पा. १० सनिचरा मठ स्थितबाट लागू औषध चरेस १०.२३० के.जी. सहित देश भारत जिल्ला मोतिहारी थाना आदापुर पंचायत बेलवा बस्ने बर्ष १८ को मनिष कुमार र देश भारत जिल्ला मोतिहारी थाना आदापुर पंचायत रामपुर बस्ने बर्ष २१ को  भारत साहलाई मंगलबार राती प्रहरीले पक्राउ गरेको छ । प्रहरी चौकी मटिअर्वाबाट खटिएको प्रहरी टोलीले नेपालबाट भारत तर्फ जाँदै गरेको BR05BE0767 नम्बरको मोटरसाइकललाई चेकजाँच गर्ने क्रममा उक्त लागू औषध सहित निजहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।  

२.     रौतहट, गौर नगरपालिका ८ दाल मिल स्थितबाट लागू औषध नाईट्रोभेट १ पत्तामा १२ पिस सहित गरुडा नगरपालिका १जयनगर टोल बस्ने बर्ष १९ को शेष अरसदलाई मंगलबार राती प्रहरीले पक्राउ गरेको छ । अस्थाई प्रहरी पोष्ट बसपार्कबाट खटिएको प्रहरी गस्ती टोलीले चेक जाँच गर्ने क्रममा निजलाई उक्त लागू औषध सहित पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।