१.     पर्सा, बिरगंज महानगरपालिका १६ ईनर्वा भन्सार मेन गेट स्थितबाट लागू औषध Nitravet-10 लेखिएको ट्याब्लेट २० पत्तामा ३०० पिस सहित जिल्ला चितवन खैरवनी न.पा. १२ बस्ने बर्ष ३२ को संजय चौधरीलाई मंगलवार राती प्रहरीले पक्राउ गरेको छ । प्रहरी चौकी ईनर्वा र शसस्त्र प्रहरी बल नेपाल प्रास्तावित सिमा सुरक्षा गुल्म बिरगंजबाट खटिएको संयुक्त चेकिङ टोलीले रक्सौलबाट बिरगंज तर्फ पैदल आउँदै गरेको निजलाई चेक जाँच क्रममा उक्त लागू औषध सहित नियन्त्रणमा लिएको हो । यस सम्बन्धमा प्रहरीले थप अनुसन्धान गरिरहेको छ ।

२.     महोत्तरी, बर्दिबास नगरपालिका १ सिन्धुली चोक स्थितबाट लागू औषध खैरो हिरोईन (ब्राउन सुगर) जस्तो देखिने पदार्थ २ ग्राम २०० मिलिग्राम सहित जिल्ला धनुषा जनकनन्दी गाउँपालिका ५ खजुरी महुवा बस्ने बर्ष १९ को ओम महरालाई मंलवार दिउँसो प्रहरीले पक्राउ गरेको छ । इलाका प्रहरी कार्यालय बर्दिबासबाट खटिएको प्रहरी टोलीले चेकजाँच गर्ने क्रममा निजलाई उक्त लागू औषध सहित नियन्त्रणमा लिएको हो । यस सम्बन्धमा प्रहरीले थप अनुसन्धान गरिरहेको छ ।  

३.     महोत्तरी, बर्दिबास नगरपालिका १४ बर्दिबास स्थितबाट लागू औषध गाँजा ६०० किलो ग्राम सहित जिल्ला मोतिहारी  ग्राम पंचायत कुरिया बस्ने बर्ष २५ को गुडडु कुमार यादब र मधुरापुर बस्ने बर्ष २९ को मनिष कुमार गिरीलाई मंगलबार बिहान प्रहरीले पक्राउ गरेको छ । इलाका प्रहरी कार्यालय बर्दिबासबाट खटिएको प्रहरी टोलीले पूर्व पश्चिम लोकमार्गमा पश्चिमबाट पूर्व तर्फ आउँदै गरेको बाग्मती प्रदेश ०३-००१ख.२८३२ नम्बरको मिनी ट्रकलाई रोक्न खोज्दा नरोकि भागेकोमा खोजतलास गर्ने क्रममा बर्दिबास स्थित यामाहा स्वरुमको अगाडि पट्टि BR30G 7043 नम्बरको भारतीय ट्रकमा सामान पल्टि गर्न लागेको अवस्थामा फेला पारी दुवै सवारी साधन तथा भारतीय ट्रक चालक निज गुडडु कुमार यादब र सह-चालक मनिष कुमार गिरीलाई प्रहरीले लागु औषध सहित नियन्त्रणमा लिएको छ र बाग्मती प्रदेश ०३-००१ ख २८३२ नम्बरको मिनी ट्रक चालक फरार रहेकोमा निजको खोजतलास कार्य भईरहेको छ ।