पर्सा, बिरगंज म.न.पा.वडा नं.१६ ईनर्वा संकरचार्य गेट र मितेरी पुलको बिचबाट लागु औषध गाँजा ५ किलो सहित देश भारत जिल्ला पुर्वी चम्पारण मौजे रक्सौल वडा नं. १४ बस्ने बिरेन्द्र कुमार सोनीको छोरा अं. वर्ष २८ को करण कुमार सोनीलाई मंलवार राती प्रहरीले नियन्त्रणमा लिएको छ । प्रहरी चौकी ईनर्वा बाट खटिएको प्रहरी टोलीले नेपाल भारत आवत जावत गर्ने सवारी साधन तथा पैदल मानिसहरु समेतलाई चेक जाँच गर्ने क्रममा नेपालको बिरगंज बजार देखी भारतको रक्सौल बजार तर्फ पैदल यात्री शंकास्पद रुपमा आइ रहेको अवस्थामा प्रहरीले नियन्त्रणमा लिएको छ । यस सम्बन्धमा प्रहरीबाट थप अनुसन्धान गरिरहेको छ ।

 धनुषा, जनकपुर उ.म.न.पा.१ रेल्वे स्टेशनको मेनगेट नजिक बाट प्रतिवन्धित लागु औषध ब्राउन सुगर जस्तो देखिने पदार्थ १०० ग्राम सहित जिल्ला सिरहा सिरहा न.पा.१३ गमहरिया बस्ने लक्ष्मी यादवको छोरा अं.वर्ष ३३ को अभासकर यादवलाई मंलवार दिउँसो प्रहरीले नियन्त्रणमा लिएको छ ।  जि.प्र.का. धनुषाबाट र लागु औषध ब्युरो गोलबजार सिरहाबाट  खटिएको संयुक्त टोलीले पैदल यात्री माथि शंका लागि चेकजाँच गर्ने क्रमम रेल्वे स्टेशनको मेनगेट नजिक बाट प्रहरीले नियन्त्रणमा लिएको छ । यस सम्बन्धमा प्रहरीबाट थप अनुसन्धान गरिरहेको छ ।