१.      पर्सा, बिरगंज महानगरपालिका १६ बसपार्क नजिकबाट लागू औषध चरेस जस्तो देखिने पदार्थ दुई वटा पोकामा ११ के.जी. १०० ग्राम आईतवार राती प्रहरीले बरामद गरेको छ । बसपार्क नजिकै रहेको खाली चौरमा शंकास्पद कालो रंगको झोला  वेवारिसे अवस्थामा रहेको छ भन्ने खबर प्राप्त हुना साथ प्रहरी चौकी बासपार्कबाट खटिएको प्रहरी टोलीले चेकजाँच गर्ने क्रममा झोला भित्र उक्त परिमाणको लागू औषध बरामद गरेको हो । यस सम्बन्धमा प्रहरीले थप अनुसन्धान गरिरहेको छ ।

२.     बारा, जितपुरसिमरा उपमहानगरपालिका ७ बैदेही पेट्रोल पम्प स्थितबाट आईतवार बेलुका प्रहरीले बेवारिसे अवस्थामा रहेको लागू औषध गाँजा ४० के.जी. बरामद गरेको छ । बैदेही पेट्रोल पम्प अगाडी रोडको पूर्व साईडको नाला भित्र ४ ओटा झोला संकास्पद अवस्था रहेको छ भन्ने सुचना प्राप्त हुना साथ इलाका प्रहरी कार्यालय जितपुरबाट खटिएको प्रहरी टोलीले चेक जाँच गर्दा ४ ओटा झोला प्रत्येक झोलामा १० के.जी. का दरले लागू औषध फेला पारेको हो । यस सम्बन्धमा प्रहरीले थप अनुसन्धान गरिरहेको छ ।