१.      पर्सा, बिरगंज महानगरपालिका १४ गण्डक चेक पोष्टबाट लागू औषध डाईजेपाम १२०० एम्पुल, फेनार्गन ११८५ एम्पुल र नुर्फिन ११९५ एम्पुल सहित बिरगंज महानगरपालिका २५ बस्ने वर्ष २३ को राज महम्द देवानलाई आईतवार राती प्रहरीले नियन्त्रणमा लिएको छ । प्रहरी चौकी गण्डकबाट खटिएको प्रहरी चेकिङ्ग टोलीले चेक जाँच गर्ने क्रममा बिरगंजबाट काठमाडौं तर्फ जाँदै गरेको बागमती प्रदेश ०३-००१ ख २६६६ नम्बरको यात्रुवाहक बसलाई चेकजाँच गर्ने क्रममा निजलाई उक्त लागू औषध सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.     सर्लाही, ईश्वरपुर नगरपालिका १२ डोमखोरियाबाट लागू औषध गाँजा २ किलो ग्राम सहित जिल्ला सर्लाही ब्रहम्पुरी गाउँपालिका ५ बस्ने वर्ष २२ को अबिनाश कापर र वर्ष २७ को बिक्रम कापरलाई आईतवार राती प्रहरीले पक्राउ गरेको छ । इलाका प्रहरी कार्यालय केशरगंज र अस्थाई प्रहरी पोष्ट कालिन्जोर घारीबथानबाट खटिएको संयुक्त प्रहरी टोलीले गोप्य सुचनाको आधारमा निजहरुलाई फुलजोर-डोमखोरिया सडकखण्डको जंगल एरियाबाट BR 30 AG 6421 नम्बरको मोटरसाइकलमा उक्त लागू औषध लैजाँदै गरेको अवस्थामा नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।