सप्तरी, राजबिराज नगरपालिका ९ मलेठ स्थितबाट लागू औषध गाँजा २४ क्विन्टल १९.५ किलोग्राम, १४२ कार्टुन स्याउ र हार्डवेयरको सामानहरु मिति २०८१/११/१९ गते सोमबार बिहान प्रहरीले बरामद गरेको छ ।  राजबिराज नगरपालिका ९ मलेठ स्थितमा रहेको गोदाम घरमा अबैध रुपमा सामानहरु रहेको भन्ने गोप्य जानकारी प्राप्त हुना साथ सप्तरी जिल्लाका प्रमुख जिल्ला अधिकारी, जिल्ला प्रहरी कार्यालय सप्तरीका प्रहरी उपरीक्षक र सशस्त्र प्रहरी बल नेपालका सशस्त्र प्रहरी उपरीक्षक सहितको टोलीले उक्त गोदाम घरको बाहिरी गेटमा ताल्चा लगाएको गोदाम घर (को-कस्को हो स्पष्ट नखुलेको) को कम्पाउण्ड भित्र खाली जग्गामा रहेको को १ ख ५२१५ नम्बरको ट्रक र ना ५ ख ५९५१ नम्बरको ट्रकमा पल्टि गर्दै गरेको अवस्थामा १४२ कार्टुन स्याउ रहेको, ताल्चा लगाएको सोहि गोदाम घर भित्र २४ क्विन्टल १९.५ किलोग्राम लागू औषध गाँजा र हार्डवेयको सामानहरु फेला परेको तथा BR0JB9735 नम्बरको सेतो स्कारपियो र WB74AM1558 नम्बरको मारुती सुजुकी कार खाली अवस्थामा फेला परेको, यस सम्बन्धमा प्रहरीले थप अनुसन्धान कार्य गरिरहेको छ ।