१.      महोत्तरी, सम्सी गाउँपालिका-५ पोखरभिण्डा ब्रह्मस्थान स्थितबाट लागु औषध NITRAVET Tablets- १५ पिस, SPASMO- PROXYVON PLUS  Tablets- ४० पिस, PHENERGAN Injection- ३ पिस, DIAZEPAM Injection-३ पिस, NOOPHIN Injection- ३ पिस, WHINCEREX Cough syrup- १० पिस र मधेश प्रदेश-०२-००५ प ८८१२ नम्बरको सुपर स्प्लेन्डर मोटरसाईकल थान-१ सहित मोटरसाईकल चालक जिल्ला महोत्तरी बर्दिबास नगरपालिका-१४ राना टोल बस्ने बेचु महतोको छोरा अन्दाजी बर्ष-२८ को संजित महतोलाई शनिबार बेलुका प्रहरीले नियन्त्रणमा लिएको छ । प्रहरी चौकी पोखरभिण्डा महोत्तरीबाट खटिएको प्रहरी टोलिले चेक जाँच गर्ने क्रममा भारतबाट नेपाल तर्फ सुपर स्प्लेन्डर मोटरसाईकलको फिल्टर बक्समा लुकाई छिपाई ल्याउँदै गरेको लागु औषध फेला पारी निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.       धनुषा, जनकपुर उप-महानगरपालिका-१६ कपिलेश्वर स्थितबाट लागु औषध गाँजा अन्दाजी ५०० ग्राम सहित सोही स्थान बस्ने अन्दाजी  बर्ष-६० को रामदेव यादवलाई आईतबार दिउँसो प्रहरीले नियन्त्रणमा लिएको छ । लागु औषध गाँजा बेची रहेको छ भन्ने सूचनाको आधामा प्रहरी चौकी कपिलेश्वरबाट खटिएको प्रहरी टोलीले गाँजा सहित निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।