१.      सिरहा, धनगढीमाई नगरपालिका १ मेदनिपुर सरस्वति खोला स्थितबाट अवैध लागूऔषध खैरो हिरोईन ११ ग्राम सहित १ जनालाई मंगलबार दिउँसो प्रहरीले पक्राउ गरेको छ । पक्राउ पर्नेमा जिल्ला सिरहा लहान नगरपालिका १३ बस्ने डोमी पासवानको छोरा अन्दाजी बर्ष २७ को विशेश्वर पासवान रहेका छन् । इलाका प्रहरी कार्यालय धनगढी र लागु औषध नियन्त्रण व्युरो शाखा कार्यालय सिरहाबाट खटिएको प्रहरीको संयुक्त टोलीले उक्त लागु पदार्थ सहित निजलाई प्रहरीले नियन्त्रणमा लिएको हो । यस सम्बन्धमा प्रहरीले अनुसन्धान गरिरहेको छ ।