१.      बारा, जितपुर सिमरा उपमहानगरपालिका ०१ दुधौरा पुल नजिकबाट अवैध लागूऔषध गाँजा १२५ किलोग्राम, अल्फावेट नखुलेको ४३११ नम्बरको कार सहित १ जनालाई बिहिबार राति प्रहरीले नियन्त्रणमा लिएको छ । पक्राउ पर्नेमा रौतहट चन्द्रपुर नगरपालिका ०१ पौराही घर भई हाल बारा जितपुरसिमरा उपमहानगरपालिका १८ पसहा टोल बस्ने बुद्धि बहादुर स्याङतानको छोरा अन्दाजी बर्ष २७ को मान बहादुर स्याङ्तान रहेका छन् । इलाका प्रहरी कार्यालय सिमरा र लागूऔषध नियन्त्रण व्यूरो शाखा कार्यालय विरगंजबाट खटिएको संयुक्त प्रहरी टोलिले पिलुवाबाट डुमरवाना तर्फ आउदै गरेको कार चेकजाँच गर्दा उक्त गाँजा फेला पारी गाँजा सहित निजलाई नियन्त्रणमा लिएको हो । यस सम्बन्धमा प्रहरीले अनुसन्धान गरिरहेको छ ।  

२.      धनुषा, बिदेह नगरपालिका ०१ ठाडिझिझाबाट अवैध लागूऔषध Nitzascen - 600 पिस, Spasmo proxyvon plus - 168 पिस, Onrex cough syrup 100ml - 20 बोतल र Onsen cough syrup 100ml - 5 बोतल, स ७ प ७६२३ नम्बरको मोटरसाईकल सहित १ जनालाई बिहिबार दिउँसो प्रहरीले नियन्त्रणमा लिएको छ । पक्राउ पर्नेमा धनुषा सबैला नगरपालिका १३ रघुनाथपुर बस्ने रफिक मिया कवारीको छोरा अन्दाजी बर्ष ३२ को नबिबुल रहमान रहेका छन् । प्रहरी चौकी ठाडिझिझाबाट खटिएको प्रहरी टोलिले उक्त लागू औषध सहित निजलाई नियन्त्रणमा लिएको हो । यस सम्बन्धमा प्रहरीले अनुसन्धान गरिरहेको छ ।