लागु औषध खैरो हिरोईन २० ग्राम सहित तिन जना मानिसहरू पक्राउ
२०७९-०९-११
- A
- A-
- A+
पर्सा, मिति २०७९।०९।०७ गते अं.१६;२० बजेको समयमा जिल्ला पर्सा वीरगञ्ज महानगरपालिका वडा नं.१६ शंकराचार्य गेट अगाडीको बाटो हुँदै पैदल यात्रीहरूले लुकाइछिपाई अवैध लागु औषध भारतबाट नेपालतर्फ भित्र्याउदै गरेको भन्ने गोप्य सूचनाको अधारमा लागु औषध नियन्त्रण व्यूरो शाखा कार्यालय पर्सा र प्रहरी चौकी ईनर्वाबाट खटिएको संयुक्त नियमित चेकिङ्ग टोलीले चेकजाँच गर्ने क्रममा एक जना व्यक्ति संकाष्पदरूपमा हिँडिरहेकोमा उक्त व्यक्तिलाई रोकी कानूनी रीत पुर्याई जाँच गर्दा जिल्ला पर्सा बहुदरमाई नगरपालिका वडा नं.१ बस्ने वर्ष १९ को हरिओम महतोले लगाएको पाइन्टको खल्तीमा लागु औषध खैरो हिरोईन २० ग्राम फेला परेको हुँदा निजलाई उक्त लागु औषध खैरो हिरोईन सहित नियन्त्रणमा लिइ जिल्ला प्रहरी कार्यालय पर्सामा ल्याइ प्रारम्भिक अनुसन्धान गर्दा सो लागु औषध खरिद गर्ने जिल्ला मकवानपुर हेटौडा उ.म.न.पा.वडा नं.१० बस्ने वर्ष २६ को प्रमेश्वर साह र ऐ.वडा नं. २५ बस्ने वर्ष २६ को युगेन लामाले गरेको हुँदा निजहरूलाई सोही दिन ऐ.१८:०० बजेको समयमा जिल्ला प्रहरी कार्यालय पर्साबाट खटिएको टोलीले खोजतलास गर्ने क्रममा वीरगञ्ज म.न.पा.वडा नं.१६ बसपार्क स्थितबाट पक्राउ गरी निजहरू विरुद्द लागु औषध सम्बन्धी कसूरमा थप अनुसन्धान भैरहेको ।