बारा, मिति २०७९/११/१९ गते बिहान अं.०६:०० बजेको समयमा जिल्ला बारा जितपुर सिमरा उपमहानगरपालिका वडा नं.१ पथलैया चोकमा प्रहरी चौकी पथलैया, बाराबाट खटिएको प्रहरी टोलीलाई देखी अमलेखगंजबाट पथलैयातर्फ आउँदै गरेको ना २ ह ४९५० नम्बरको अटो भाग्ने क्रममा चेकिङ्गमा खटिएको प्रहरी टोलीले जिल्ला बारा जितपुरसिमरा उपमहानगरपालिका वडा नं. २२ चकरी बस्ने अं. वर्ष २५ को नरेश बम, ऐ.ऐ. बस्ने अं. वर्ष ४३ को हिरामान थिङ र ऐ.ऐ. बस्ने अं. वर्ष ३५ को सुरेश स्याङतान प्रयोग गरेको अटोलाई पिछा गरी नियन्त्रणमा लिई अटो चेकजाँच गर्दा अटोभित्र लुकाई छिपाई ल्याएको अवस्थामा अवैध लागू औषध गाँजा १२ के.जी. फेला पारी उक्त लागू औषध ओसार पसारमा मुद्दामा थप अनुसन्धान कार्य भइरहेको ।

साथै, मिति २०७९/११/२० गते बिहान अं.०९:०० बजेको समयमा जिल्ला बारा जितपुर सिमरा उपमहानगरपालिका वडा नं.२१ स्थित नेपाल आयल निगम अगाडी ईलाका प्रहरी कार्यालय अमलेखगंज  बाराबाट खटिएको प्रहरी टोलीले चेकजाँचको क्रममा हेटौडातर्फबाट आएको प्र३-०३-००१प ३२७६ नम्बरको मोटरसाइकललाई देखी रोक्न खोज्दा मोटरसाइकल नरोकी भाग्दा खटिएको प्रहरी टोलीले उक्त मोटरसाइकलको पिछा गरी लखेटदै जाँदा आधाभार जंगलभित्र उक्त मोटरसाइकल चालक र पछाडी सवार मानिस मोटरसाइकल र बोकी आएको झोला फाली जंगलभीत्र भागी फरार भएको, निजहरूले फालेको झोला चेकजाँच गर्दा उक्त झोलाभित्र २ के.जी. लागू औषध अफिम रहेको हुँदा फेला परेको लागू औषध र मोटरसाइकल बरामद गरी फरार भएका मानिसहरूलाई खोजतलास गर्ने लगायतका थप अनुसन्धान कार्य भइरहेको ।