पर्सा, मिति २०७९।१२।०४ गते अं.१८:०० बजेको समयमा जिल्ला पर्सा वीरगञ्ज महानगरपालिका वडा नं.१६ ईनर्वागाँउ स्थित धर्मकाँटा अगाडी पार्किङमा रहेको BR 07 GA 9691 नम्बरको मिनि ट्रकभित्र लागु औषध गाँजा लुकाई छिपाई राखिएको छ भन्ने बिशेष सुचनाको आधारमा जि.प्र.का.पर्साबाट प्रहरी उपरीक्षकको कमाण्डमा प्रहरी टोली खटीइ गई उल्लेखित मिनि ट्रकलाई कानूनी रीत पुर्‍याई चेकजाँच गर्दा उक्त ट्रकको पछाडी भागको तल सामान राख्ने गोप्य ठाउँ बनाई लुकाइ छिपाइ राखिएको प्रतिबन्धित लागु औषध गाँजा १४९ के.जी. फेला परेको हुँदा उक्त लागु औषध गाँजा, मिनि ट्रक र ट्रक चालक देश भारत राज्य मोतिहारी पुर्वी चम्पारण जिल्ला पोष्ट सपाहा दक्षिणी मनासिङ्गा लक्ष्मीपुर वडा नं. ११ बस्ने बर्ष २७ को ओम प्रकाश सिंह समेतलाई नियन्त्रणमा लिइ जि.प्र.का. पर्सामा ल्याइ लागु औषध सम्बन्धी कसुरमा मिति २०७९।१२।०५ गते पर्सा जिल्ला अदालतबाट दिन-७ (सात) म्याद थप गरी थप अनुसन्धान कार्य भैरहेको   ।   

साथै, मिति २०७९।१२।०४ गते अं.२१:३० बजेको समयमा जिल्ला पर्सा वीरगञ्ज महानगरपालिका वडा नं.१६ शंकराचार्य गेट स्थित सडकखण्डमा वी.म.न.पा.१ ह १-०११८ नम्बरको ई-रिक्सा संकास्पदरूपमा भारत रक्सौलबाट वीरगञ्ज तर्फ जाँदैगरेकोमा प्रहरी चौकी ईनर्वाबाट खटिएको प्रहरी टोलीले कानूनी रीत पुर्‍याई चेकजाँच गर्दा उक्त ई-रिक्सा चालक जिल्ला पर्सा वी.म.न.पा. वडा नं. १५ भिष्वा बस्ने बर्ष २०को  बलजित यादवले ई-रिक्साको सिट मुनी लुकाइ छिपाइ ल्याएको प्रतिबन्धित लागु औषध Onerex 100 ml लेखीएको सिरफ ५ कार्टुनमा १७८ बोतल फेला परेको हुँदा उक्त लागु औषध Onerex, ई-रिक्सा र ई-रिक्सा चालक बलजित यादव समेतलाई नियन्त्रणमा लिइ जि.प्र.का. पर्सामा ल्याई लागु औषध सम्बन्धी कसुरमा मिति २०७९।१२।०५ गते पर्सा जिल्ला अदालतबाट दिन-७ (सात) म्याद थप गरी थप अनुसन्धान कार्य भैरहेको   ।