पर्सा, मिति २०८०।०२।०३ गते अं.१८:३० बजेको समयमा जिल्ला पर्सा बिरगंज म.न.पा.१६ ईनर्वा भन्सार स्थित सडकमा प्रहरी चौकी ईनर्वा पर्सा र केन्द्रिय अनुसन्धान ब्यूरो विरगंज समेतको संयुक्त टोलीले चेकजाँच गर्ने क्रममा रक्सौलबाट बिरगंज तर्फ २ जना पुरुष मानिस प्रदेश ०३-००५ प ९०२ नं.को मोटरसाईकलमा सवार भई आईरहेको अवस्थामा शंका लागी रोकी निजहरुको नाम, थर, वतन सोधपुछ गर्दा निजहरुले आफ्नो नाम,थर, वतन क्रमश: मोटरसाईकल चालक जिल्ला मकवानपुर हेटौंडा उ.म.न.पा. वडा नं.१० बस्ने अर्जुन पाठकको छोरा वर्ष ३०को अनिल पाठक र पछाडी सवार ऐ.ऐ. बस्ने अमिर थापाको छोरा वर्ष २९ को आदर्श थापा हो भनि बताए पछी कानुन बमोजिम निजहरुको जिउ शरीर तलासी गर्दा मोटरसाईकल चालक अनिल पाठकको साथबाट ONEREX COUGH SYRUP लेखिएको १०० ml को २ बोतल र नुफिन ५ एम्पुल, फेनारगन ५ एम्पुल, डाईजेल्याब ५ एम्पुल गरी जम्मा १५ एम्पुल र आदर्श थापाको साथबाट नुफिन २ एम्पुल, फेनारगन २ एम्पुल, डाईजेल्याब २ एम्पुल गरी जम्मा ६ एम्पुल फेला परेकोमा उक्त लागु औषध, मोटरसाईकल समेत कानुन बमोजिम बरामद गरी निज अनिल पाठक र आदर्श थापा समेतलाई पक्राउ गरी आवश्यक कारवाहीको लागी व.प्र.का.विर्ता पर्सामा पठाईएको ।