१.      पर्सा, मिति २०८०।०३।०२ गते अं. १९:३०बजेको समयमा जिल्ला पर्सा बिरगंज महानगरपालिका वडा नं.१६ रजत जयन्ती चौक स्थितमा प्रहरी चौकी ईनर्वा पर्साबाट प्र.व.ना.नि.को कमाण्डमा खटिएको प्रहरी टोलीले चेकजाँच गर्ने क्रममा भारतको रक्सौल तर्फबाट नेपालको बिरगंज बजार तर्फ पैदल आउँदै गरेको जिल्ला बारा जितपुर सिमरा उ.म.न.पा.वडा नं.०२ बस्ने राम शरण कार्कीको छोरा अं.वर्ष १९ को राज कार्की माथि शंका लागी निजलाई रोकी जेकजाँच गर्दा निजको साथमा लागू औषध नाईट्राजेपाम लेखिएको ५ पिस ट्याब्लेट, लागू औषध (ब्राउन सुगर) जस्तो देखिने धुलो पदार्थ तत्काल तौल नखुलेको सानो दुई वटा पुरिया रहेको, सो मध्ये १ वटा पुरियामा लागू औषध कालो जस्तो देखिने धुलो पदार्थ र अर्को १ वटा पुरियामा लागू औषध ब्राउन सुगर जस्तो देखिने धुलो पदार्थ समेत फेला पारी लागू औषध सहित निजलाई नियन्त्रणमा लिइ आवश्यक कारवाहीको लागी वडा प्रहरी कार्यालय विर्ता पर्सामा पठाइएको ।

२.      सिरहा, मिति २०८०।०३।०२ गते अं. १७:३५ बजेको समयमा जिल्ला सिरहा भगवानपुर गा.पा.४ टेम्पु स्टेण्ड स्थित प्र.चौ.ठाडी सिरहाबाट प्र.ब.ना.नि. को कमाण्डमा खटिएको प्रहरी टोलिले भारतबाट नेपाल तर्फ पैदल आउँदै गरेको ऐ. लहान न.पा. ५ खुट्टिखोला बस्ने मोहमद अलीको छोरा अं. बर्ष २५ को मोहमद सोनुलाई शंका लागी चेकजाँच गर्दा निजले लगाएको कालो कलरको जिन्स पेन्टको अगाडिको बाँया साईडको भित्रि गोजीमा कालो प्लाष्टिकमा पोको पारी राखेको DIAZEPAM, BUPRENORPHINE र PROMETHARZINE लेखिएको ११/११ पिसको दरले जम्मा ३३ पिस ला.औ. फेला परेकोले ला.औ. सहित निजलाई पक्राउ गरी थप अनुसन्धान कार्य भईरहेको ।

३.      सप्तरी, मिति २०८०।०३।०२ गते अं. १६:०० बजेको समयमा जिल्ला सप्तरी हनुमाननगर कंकालिनी नगरपालिका वडा न.१ भारदह चोक स्थितमा ई.प्र.का. कंचनपुर सप्तरीबाट प्रहरी अधिकृत सहितको टोलिले बिशेष सुचनाको आधारमा मस्जिद नजिक पुर्व पश्चिम लोकमार्गमा चेकजाँच गर्ने क्रममा पुर्ववाट पश्चिम तर्फ आउँदै गरेको भारतीय BR32R7703 नं. को मोटरसाईकललाई रोकी चेकजाँच गर्दा मोटरसाईकल चालक भारत बिहार राज्य जि. मधुवनी थाना जयनगर ग्रामपँचायत बेतौन्हा वडा न. ८ वस्ने कृष्ण साहुको छोरा अं. वर्ष २९ को सन्तोष कुमार साहले लगाएको पाईन्टको दाहिने खल्तीमा कालो प्लाष्टिकमा लुकाई छिपाई राखेको लागु औषध ब्राउन सुगर जस्तो देखिने धुलो पदार्थ ४ ग्राम १९ मिली ग्राम र सोही मोटरसाईकलमा पछाडी सवार जिल्ला सिरहा सिरहा नगरपालिका वडा नं. १७ ईनरवा टोल बस्ने नागेन्द्र पासवानको छोरा अं. वर्ष १९ को सुरज कुमार पासवान समेत लाई मो.सा. सहित पक्राउ गरी ई.प्र.का.कंचनपुरमा ल्याई राखिएको ।