बारा, जितपुर सिमरा उप-महानगरपालिका-८ ईम्लिप्रति स्थितबाट लागु औषध गाँजा २२ किलो ग्राम सहित सोही स्थानको लोसण्डा बस्ने भागिरथ सहनीको छोरा वर्ष ४५ को रामपुकार सहनीलाई मंगलबार दिउँसो प्रहरीले नियन्त्रणमा लिएको छ । बिशेष सुचनाको आधारमा जिल्ला प्रहरी कार्यालय बारा र इलाका प्रहरी कार्यालय सिमराबाट संयुक्त रुपमा खटिएको प्रहरी टोलीले चेक जाँच गर्ने क्रममा निजलाई उक्त परिमाण बराबरको लागु औषध सहित नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।