अबैध सामान सहित ट्रक नियन्त्रणमा

२०८२-०८-१६

A
A^-
A⁺

१. बारा, जितपुर सिमरा उपमहानगरपालिका वडा नं. ०१ पथलैया चोकबाट अबैध भन्सार छली (बिलबिजक भन्दा फरक भएको) कटन मार्किङ कपडा, कुर्ता सुरुवाल, कर्टन सारी, लेडिज सल, प्रिन्ट कपडा र झोलाको कपडाहरु सहित अन्दाजी रु. ४२,५५,०००।– (बयालिस लाख पचपन्न हजार) बराबरको सामान सहित ना ७ ख ५८५२ नं.को ट्रक सोमबार राती प्रहरीले नियन्त्रणमा लिएको छ । प्रहरी चौकी पथलैयाबाट खटिएको प्रहरीको चेकिङ्ग टोलीले विशेष सुचनाको आधारमा बिरगंजबाट काठमाण्डौं तर्फ जादै गरेको उक्त ट्रकमाथी शंका लागी नियन्त्रणमा लिई चेकजाँच गर्ने क्रममा बिल बिजक भन्दा फरक समानहरु भएकोले सामान सहित उक्त ट्रकलाई नियन्त्रणमा लिई आवश्यक अनुसन्धान तथा कारवाहीको लागी राजश्व अनुसन्धान कार्यालय पथलैया, बारामा बुझाईएको छ ।

सम्बन्धित समाचार

मोटरसाईकल सहित चोर (मानिस) पक्राउ ।

२०८३-०३-१२

१. धनुषा, जनकपुर उपमहानगरपालिका ०९ स्थितबाट मधेश प्रदेश ०२-०१० प ५९०३ नम्बरको मोटरसाईकल चोरी गर्ने क्रममा मकवानपुर बागमती नगरपालिका ०३ बस्ने नन्दलाल तामाङ्गको छोरा अन्दाजी वर्ष २२ को प्रेम बहादुर तामाङ्गलाई बिहिबार दिउँसो प्रहरीले नियन्त्रणमा लिएको छ । काब्या अस्पताल अगाडि जिल्ला महोत्तरी रामगोपालपुर नगरपालिका ०६ बस्ने अन्दाजी बर्ष ३० को विजय कुमार यादवले पार्किङ्ग गरी राखेको स्थानबाट उक्त मोटरसाईकल चोरी गर्ने क्रममा वडा प्रहरी कार्यालय मुझेलियाबाट खटिएको प्रहरीले मोटरसाईकल सहित निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

लागु औषध सहित मानिस नियन्त्रणमा

२०८३-०३-१२

१. पर्सा, ठोरी गाउँपालिका ०४ स्थितबाट अवैध लागूऔषध गाँजा १५८ किलोग्राम बिहिबार साँझ प्रहरीले नियन्त्रणमा लिएको छ । विशेष सूचनाको आधारमा इलाका प्रहरी कार्यालय ठोरी र सशस्त्र प्रहरी बल नेपाल सीमा सुरक्षा सुवर्णपुर पर्साबाट खटिएको संयुक्त प्रहरीको टोलीले सोहि स्थान बस्ने गम्भिर बहादुर श्रेष्ठको घर खानतलासी गर्दा उक्त लागूऔषध गाँजा फेला पारी नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

कटुवा पेस्तोलको गोली सहित मानिस पक्राउ ।

२०८३-०३-११

१. सप्तरी, बलानबिहुल गाउँपालिका-३ टिकुलिया स्थितबाट गैर कानूनी कटुवा पेस्तोलको २ (दुई) राउण्ड गोली सहित १ जनालाई बुधबार साँझ प्रहरीले पक्राउ गरेको छ । पक्राउ पर्नेमा सोही स्थानमा बस्ने पाण्डव पासवानको छोरा अन्दाजी बर्ष ३२ को शुभाष पासवान रहेका छन् । प्रहरी चौकी बेल्ही सप्तरीबाट खटिएको प्रहरी चेकिङ् टोलिले बेल्हीबाट टिकुलिया तर्फ जादै गरेको निज शुभाष पासवान माथी शंका लागी चेकजाँच गर्दा निजको साथबाट उक्त २ (दुई) राउण्ड गोली फेला पारी गोली सहित निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

लागु औषध सहित मानिस नियन्त्रणमा

२०८३-०३-१०

१. सिरहा, लक्ष्मीपुरपतारी गाउँपालिका-२ स्थितबाट अवैध लागूऔषध खैरो हेरोइन ४.०५ ग्राम, म.प्र. ०१-००५ प ०९२४ नम्बरको मोटरसाईकल सहित २ जनालाई मंगलबार राति प्रहरीले नियन्त्रणमा लिएको छ । पक्राउ पर्नेमा सिरहा लहान नगरपालिका-१० बस्ने अन्दाजी बर्ष २३ को मो. कलाम मन्सुरी र सोहि नगरपालिका ६ बस्ने अन्दाजी बर्ष २३ को आयुष भुजेल रहेका छन् । इलाका प्रहरी कार्यालय महेशपुरपतार र लागूऔषध व्युरो शाखा कार्यालय गोलबजारबाट खटिएको संयुक्त प्रहरी टोलीले लदनियाबाट लहान तर्फ आउँदै गरेको मोटरसाईकल चेकजाँच गर्दा उक्त लागूपदार्थ सहित निजहरुलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ । २. धनुषा, मिथिला नगरपालिका-७ ढल्केवरबाट अवैध लागूऔषध खैरो हेरोइन ८.४४० ग्राम, ज १३ प १३२८ नम्बरको मोटरसाईकल सहित धनुषा मिथिला नगरपालिका-१ लक्ष्मी निवास बस्ने ब्रहमदेव यादवको छोरा अन्दाजी बर्ष २३ को बिजय यादवलाई मंगलबार दिउँसो प्रहरीले नियन्त्रणमा लिएको छ । इलाका प्रहरी कार्यालय ढल्केवरबाट खटिएको प्रहरी टोलीले ढल्केवर बजारबाट बर्दिवास तर्फ जाँदै गरेको मोटरसाईकल चेकजाँच गर्दा उक्त लागूपदार्थ सहित निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

लागु औषध सहित मानिस नियन्त्रणमा

२०८३-०३-०९

१. पर्सा, बिरगंज महानगरपालिका-१४ गण्डक चोक स्थित चेकपोष्टबाट बिल बिजक फरक भएका खुद्रा सामानहरु सहित बा.प्र.०३-००१ ख ३३४६ नम्बरको मालवाहक ट्रक मिति २०८३ असार ०२ गते राजश्व अनुसन्धान कार्यालय पथलैया, बारा पठाइएकोमा उक्त ट्रकको सामानहरु राजश्व अनुसन्धान कार्यालय पथलैयाद्वारा चेकजाँच तथा भौतिक गणना गर्ने क्रममा खुद्रा सामानहरु बाहेक थप लागूऔषध Tramadol Hydrochloride Capsules (Tramodol-50) - १,२०,६२० (एक लाख बिस हजार छ सय बिस) पिस फेला परेको हुँदा उक्त मालवाहक ट्रक, सामानहरु र प्रतिबन्धित लागूऔषध सहित पुन: जिल्ला प्रहरी कार्यालय पर्सामा पठाईएको छ । यस सम्बन्धमा प्रहरीले थप आवश्यक अनुसन्धान गरिरहेको छ ।

अवैध सामान सहित ई-रिक्सा नियन्त्रणमा

२०८३-०३-०९

१. पर्सा, विरगंज महानगरपालिका १६ बाइपास रोड स्थितबाट अवैध भन्सार छलि चोरी पैठारीका ८०० मिटर कपडा सहित ना २ ह ५५९३ नम्बरको ई-रिक्सा सोमबार साँझ प्रहरीले नियन्त्रणमा लिएको छ । प्रहरी चौकी गणेशटोल र सिमा सुरक्षा गुल्म विरगंज, पर्साबाट खटिएको संयुक्त प्रहरी टोलीले भारतबाट नेपाल तर्फ आउँदै गरेको ई-रिक्सा चेकजाँच गर्दा अन्दाजी रु. ४,०८,०००/- (चार लाख आठ हजार रुपैयाँ) मुल्य बराबरको कपडा र अन्दाजी रु. ४,००,०००/- (चार लाख रुपैयाँ) मुल्य बराबरको ई-रिक्सा नियन्त्रणमा लिई आवश्यक कारवाहीको लागि भन्सार कार्यालय विरगंज बुझाएको हो ।