१.      रौतहट, गौर १ भन्सार गेट अगाडिबाट अवैध लागूऔषध Nitrazepam १७८ पिस र Rexcof 60 ml १ पिस सहित ३ जनालाई मंगलबार दिउँसो प्रहरीले पक्राउ गरेको छ । पक्राउ पर्नेमा रौतहट गौर २ बस्ने केदार प्रसाद गुप्ताको छोरा अन्दाजी बर्ष २३ को दिव्यान्सु गुप्ता, मकवानपुर बकैया ४ बस्ने बिशाल बजगाईको छोरा अन्दाजी बर्ष २४ को विश्व बजगाई र मकवानपुर गढी ६ मजरान चुली बस्ने बिजय अधिकारीको छोरा अन्दाजी बर्ष २२ को रोहित अधिकारी रहेका छन् । भन्सार सुरक्षा गार्ड रौतहट र सशस्त्र प्रहरी बल नेपाल सिमा सुरक्षा गुल्म गौरको संयुक्त प्रहरी चेकिङ्ग टोलिले उक्त पदार्थ सहित नियन्त्रणमा लिएको हो । यस सम्बन्धमा प्रहरीले अनुसन्धान गरिरहेको छ ।

२.      सिरहा, सिरहा १५ बुधौराबाट अवैध लागूऔषध ब्राउन सुगर २ ग्राम ५०० मिलिग्राम, म.प्र.०१-००४ प २६८८ नं.को मोटरसाईकल सहित ३ जनालाई मंगलबाट साँझ प्रहरीले नियन्त्रणमा लिएको छ । पक्राउ पर्नेमा सिरहा धनगढिमाई ३ बस्ने नेम कुमार मुखियाको छोरा अन्दाजी बर्ष १९ को अभिषेक मुखिया, गोलबजार १२ बस्ने देवु मुखियाको छोरा अन्दाजी बर्ष १९ को अभिषेक मुखिया र सोहि स्थान बस्ने सुनर देव सिंहको छोरा अन्दाजी बर्ष २१ को अरबिन सिंह रहेका छन् । प्रहरी चौकी खिरौना सिरहाबाट खटिएको प्रहरी टोलिले उक्त लागू पदार्थ सहित नियन्त्रणमा लिएको हो । यस सम्बन्धमा प्रहरीले अनुसन्धान गरिरहेको छ ।