१.      सप्तरी, हनुमाननगर कंकालिनी नगरपालिका १४ स्थित तिलाठी बोर्डरबाट नक्कली नेपाली नोट १००० का ७ थान, प्रदेश ०६-००१ प ०९९५ नम्बरको मोटरसाईकल सहित २ जनालाई बिहिबार साँझ प्रहरीले नियन्त्रणमा लिएको छ । पक्राउ पर्नेमा जिल्ला सप्तरी हनुमाननगर कंकालिनी नगरपालिका १ बस्ने अन्दाजी बर्ष २२ को सचिन कुमार यादव र सोहि स्थान बस्ने अन्दाजी बर्ष २५ को विवेक कुमार पण्डित रहेका छन् । तिलाठी बोर्डर आउट पोष्टबाट खटिएको सशस्त्र प्रहरीको टोलीले भारतको कुनौलीबाट नेपाल आउदै गरेको मोटरसाईकल चेकजाँच गर्दा नक्कली नोटहरु फेला पारी उक्त नोट सहित निजहरुलाई नियन्त्रणमा लिई थप अनुसन्धानको लागि जिल्ला प्रहरी कार्यालय सप्तरीमा बुझाएको छ । यस सम्बन्धमा प्रहरीले अनुसन्धान गरिरहेको छ ।