१.      सिरहा, धनगढीमाई नगरपालिका १ बाखैर स्थितबाट अवैध लागूऔषध खैरो हेरोईन ३.६३ ग्राम, प्रदेश २-०१-००१ प ०३१२ नम्बरको मोटरसाईकल सहित २ जनालाई बिहिबार साँझ प्रहरीले नियन्त्रणमा लिएको छ । पक्राउ पर्नेमा सिरहा लहान नगरपालिका १३ वस्ने भुमिलाल चौधरीको छोरा अन्दाजी बर्ष ३५ को देव कान्त चौधरी र सोहि स्थान बस्ने धनश्याम फनेत (थारु) को छोरा अन्दाजी बर्ष ४३ को देव कान्त चौधरी रहेका छन् । इलाका प्रहरी कार्यालय धनगढी र लागूऔषध नियन्त्रण व्यूरो शाखा कार्यालय सिरहाबाट खटिएको प्रहरीको संयुक्त टोलिले उक्त लागू पदार्थ सहित निजहरुलाई नियन्त्रणमा लिएको हो । यस सम्बन्धमा प्रहरी अनुसन्धान गरिरहेको छ ।

२.      सिरहा, गोलबजार नगरपालिका ४ क्याम्पस चौकबाट अवैध लागूऔषध Nitraze Pam Tablets ८१ पिस सहित १ जनालाई बिहिबार राति प्रहरीले पक्राउ गरेको छ । पक्राउ पर्नेमा जिल्ला उदयपुर त्रियुगा नगरपालिका ९ मुस्गरनिया बस्ने धिरेन्द्र सिह राजपुतको छोरा अन्दाजी बर्ष २१ को लोक सिंह राजपुत रहेका छन् । इलाका प्रहरी कार्यालय गोलबजारबाट खटिएको प्रहरी टोलीले उक्त लागूऔषध सहित निजलाई प्रहरीले नियन्त्रणमा लिएको हो । यस सम्बन्धमा प्रहरीले अनुसन्धान गरिरहेको छ ।