१.      पर्सा, पटेर्वासुगौली गाँउपालिका-४ भतौडा स्थित सडक खण्डबाट अवैध लागूऔषध १ किलोग्राम सहित १ जनालाई मंगलबार साँझ प्रहरीले पक्राउ गरेको छ । पक्राउ पर्नेमा जिल्ला पर्सा जिराभवानी गाउँपालिका-२ परसवा बस्ने महन्थ मुखियाको छोरा अन्दाजि बर्ष ३८ को लक्षण मुखिया रहेका छन् । इलाका प्रहरी कार्यालय पटेर्वासुगौली पर्साबाट खटिएको प्रहरी टोलिले निजलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.      बारा, जितपुरसिमरा उप-महानगरपालिका-१ पथलैयाबाट अवैध लागूऔषध Diazepam-१०४ पिस, Buprenrphine-१०३ पिस, pheneren-१०४ पिस गरि जम्मा ३११ पिस सहित १ जनालाई मंगलबार दिउसो प्रहरीले पक्राउ गरेको छ । पक्राउ पर्नेमा देश भारत जिल्ला मोतिहारी पुर्बि चम्पारण रक्सौल अहिरवा टोल बस्ने अन्दाजि बर्ष १९ की शवलम खातुन रहेका छन् । सशस्त्र प्रहरी बल नेपाल राजश्व प्रहरी इकाई पथलैया बाट खटिएको प्रहरी टोलिले बिरगंज बाट हेटौँडा तर्फ जाँदै गरेको बा.प्र.०१-००६ ख ६६१९ नम्बरको गाडिलाई चेकजाँच गर्ने क्रममा निजलाई उक्त पदार्थहरु सहित पक्राउ गरी इलाका प्रहरी कार्यालय सिरहा बारामा बुझाएको हो । यस सम्बन्धमा प्रहरीले आवश्यक अनुसन्धान गरिरहेको छ ।

३.      सिरहा, विष्णुपुर गाउँपालिका-०१ सिरहा-चौहर्वा सडक खण्डबाट अवैध लागूऔषध खैरो हेरोईन जस्तो देखिने पदार्थ २६ ग्राम १७० मिलिग्राम सहित ३ जनालाई मंगलबार राती प्रहरीले पक्राउ गरेको छ । पक्राउ पर्नेमा सिरहा औरहि गाउँपालिका-४ बस्ने चन्द्र देव यादबको छोरा बर्ष ३२ को राम उदगार यादव, सिरहा नगरपालिका-२२ बस्ने सिब्रन यादबको छोरा अन्दाजि बर्ष ३६ को राम बिलेक्षण यादब र देश भारत जिल्ला मधुवनि पंचात ग्राम वडा नं.५ बस्ने शिबु कामतीको छोरा बर्ष २१ को चन्दन कामती रहेका छन् । जिल्ला प्रहरी कार्यालय सिरहा, इलाका प्रहरी कार्यालय विष्णुपुर र लागूऔषध नियन्त्रण ब्यूरो गोलबजार सिरहाबाट खटिएको संयूक्त प्रहरी टोलिले सिरहाबाट काठमाण्डौं तर्फ जादै गरेको बा.प्र.-०३-००१ ख ३५३७ नम्बरको बसलाई बिशेष गोप्य सुचनाको आधारमा चेकजाँच गर्दा निजहरुलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

४.      सप्तरी, सप्तकोशी नगरपालिका-०१ फत्तेपुर जुटपानी स्थितबाट अवैध लागूऔषध गाँजा १३ किलो २५० ग्राम सहित १ जनालाई मंगलबार बिहान प्रहरीले पक्राउ गरेको छ । पक्राउ पर्नेमा जिल्ला सप्तरी सप्तकोशी नगरपालिका-०९ कमलपुर बस्ने जगदिश यादवको छोरा वर्ष २१ को विजय कुमार यादव चौधरी रहेका छन् । प्रहरी चौकी फत्तेपुर सप्तरीबाट खटिएको प्रहरी टोलिले निजलाई उक्त पदार्थ सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।