१.      धनुषा, जिल्लाका विभिन्न स्थानबाट ठगी तथा अपराधिक बिश्वासघात मुद्दा र ज्यान मार्ने उद्योग चालु मुद्दाका फरार प्रतिवादी जिल्ला सिरहा, सिरहा नगरपालिका-२२ घर भइ हाल जिल्ला धनुषा जनकपुर उप-महानगरपालिका-१ पुलचोक स्थित डेरा गरी बस्ने अन्दाजी वर्ष २३ को पप्पु यादव, जिल्ला धनुषा, धनुषाधाम नगरपालिका-७ बस्ने अन्दाजी वर्ष ४५ को संजय यादव, जिल्ला धनुषा जनकपुर उप-महानगरपालिका-१८ कपिलेश्वर बस्ने मो. दाउत साहको छोरा अन्दाजी वर्ष ३८ को मो. रहमत अलि साह र जिल्ला धनुषा, कमला नगरपालिका-७ हथमुण्डा बस्ने राम लखन महतोको छोरा अन्दाजी वर्ष ३५ को धर्मेन्द्र कुमार महतो समेतलाई आईतबार बिहान प्रहरीले पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

२.      सप्तरी, खडक नगरपालिका-१ सिस्वाबेल्ही टोल स्थितबाट फरार प्रतिवादी सोही स्थानमा बस्ने अन्दाजी वर्ष ३० को जितेन्द्र गदाललाई आइतबाट दिउँसो प्रहरीले पक्राउ गरेको छ । प्रहरी चौकी सिस्वाबेल्ही सप्तरीबाट खटिएको प्रहरी टोलीले लेनदेन मुद्दाका फरार रहेका निज प्रतिवादीलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।