१.      सर्लाही, बागमती नगरपालिका-०१ बाट फरार प्रतिवादी सोही स्थानमा बस्ने अन्दाजि बर्ष ४८ को मेघराज भन्ने बाबु थापालाई बिहिबार बिहान प्रहरीले पक्राउ गरेको छ । विशेष सूचनाको आधारमा जिल्ला प्रहरी कार्यालय सर्लाही र इलाका प्रहरी कार्यालय हरिवन सर्लाहीबाट खटिएको संयुक्त प्रहरी टोलीले चेकजाँच गर्दा कर्तव्य ज्यान मुद्दाका फरार प्रतिवादी आफ्नै घरमा लुकीछिपी बसिरहेको अवस्थामा निजलाई (सर्वोच्च अदालतका तत्कालिन न्यायधिश रण बहादुर बमको गोली हानि हत्यामा संलग्न) नियन्त्रणमा लिई खानतलासी गर्दा निजको साथबाट MADE IN U.S.A लेखिएको पेस्तोल थान १ र अर्को नाम नखुलेको पेस्तोल थान १, म्यग्जिन थान ३ , गोली १५ राउण्ड, मोबाईल थान-२ र नगत रु. १७,११२/- सहित पक्राउ गरिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.      बारा जिल्लाका बिभिन्न स्थानबाट अभद्र व्यवहार मुद्बाको फरार प्रतिवादी बारा पचरौता नगरपालिका-०८ बाजोपट्टी बस्ने वर्ष ३३ को वली दुर्गा प्रसाद यादव, ठगी मुद्बाको फरार प्रतिवादी बारा आदर्श कोतवाल गाउँपालिका-०३ बस्ने वर्ष ४० को बदन प्रसाद यादव र लागूऔषध मुद्दाको फरार प्रतिवादी कलैया उप-महानगरपालिका-१३ बलिरामपुर बस्ने अन्दाजि बर्ष २२ को दिपेश कुमार साह समेतलाई बिहिबार प्रहरीले पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

३.      महोत्तरी, गौशाला नगरपालिका-०५ गौशाला स्थितबाट फरार प्रतिवादी सोही स्थानमा बस्ने अन्दाजि वर्ष १९ को अर्जुन साहलाई बिहिबार साँझ प्रहरीले पक्राउ गरेको छ । इलाका प्रहरी कार्यालय गौशाला महोत्तरीबाट खटिएको प्रहरी टोलिले चेकजाँच गर्दा सवारी ज्यान मुद्दाका फरार रहेका निज प्रतिवादीलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।