रौतहट, मिति २०८०।०१।०९ गते अं. ०७:०० बजेको समयमा जिल्ला रौतहट माधवनारायण न.पा. वडा नं.६ माधोपुर बस्ने अं. बर्ष २३ को दिपेश भन्ने मन्त्रीबाबु रायले जिल्ला रौतहट परोहा न.पा. वडा नं. ३ तेजापाकड बस्ने अं. बर्ष ३० को राज कुमार महतो भन्ने हिरामन महतोलाई आफ्नो घरमा बोलाई सर्लाहीको बलरा भन्ने स्थानमा घर बनाउनु छ भनि बलरा स्थितमा रहेको रक्सी भट्टी पसलमा लगि ८/९ जनाको अज्ञात व्यक्तिहरु सोही रक्सी भट्टीमा आई हिरामन महतोलाई अपहरण गरि बन्धक बनाई कोठा भित्र राखि हात खुट्टा बाँधी पेस्तोल देखाई कुटपिट गरि अपहरणकारीहरुले पिडितको घरमा फोन गरि फिरौती वापत चार लाख रुपैयाँ माग गरेको भन्ने सूचना जि.प्र.का.रौतहटमा प्राप्त हुना साथ प्रहरी टोलीले पिडित र अपहरणकारीहरुलाई खोजतलास गर्दै जाने क्रममा भोली पल्ट बिहान ०९:०० बजेको समयमा पिडितलाई सर्लाही जिल्लाको बलरा भन्ने स्थानबाट भारत तर्फ लैजान लागेको गोप्य सूचना प्राप्त हुना साथ तत्काल सो स्थानमा प्रहरी टोली खटी गई खोजतलास गर्दै जाँदा जिल्ला सर्लाही बलरा न.पा. वडा नं. ३ स्थित रहेको नेपाल भारतको सिमामा पुग्दा ८/९ जना पुरुष व्यक्तिहरु शंकास्पद रुपमा भाग्न लागेको देखी निजहरुलाई नियन्त्रणमा लिन खोज्दा अपहरणकारीहरु मध्ये जिल्ला रौतहट राजदेवी न.पा. वडा नं. ६ मोहनपुर बस्ने अं. बर्ष २१ को राजा भन्ने राजाबाबु पटेल र दिपेश भन्ने मन्त्रीबाबु राय समेतलाई नियन्त्रणमा लिई मिति २०८०।०१।११ गते अपहरण शरीर बन्धक तथा ज्यान मार्ने उद्योग मुद्दा दर्ता भई सम्मानित रौतहट जिल्ला अदालतबाट म्याद लिई कानुन बमोजिम अनुसन्धान भईरहेको ।