प्रहरी कन्ट्रोल : १००, टोल फ्री नं.: १६६००१४१५१६
नेपा
EN

लागु औषध सहित मानिस नियन्त्रणमा

२०८२-०९-२५

  • A
  • A-
  • A+
Share


१.       पर्सा,बिन्दवासिनी गाउँपालिका वडा नं. ०२ गर्दैलबाट २२ किलोग्राम लागु औषध चरेश जस्तो देखिने पदार्थ सहित बीरगंज महानगरपालिका वडा नं. १५ मुर्ली बस्ने अन्दाजि बर्ष २० को रैस अलि र पोखरिया नगरपालिका वडा नं. ०८ बस्ने अन्दाजि बर्ष ५५ को मुनिलाला पटेललाई विहिबार बिहान प्रहरीले नियन्त्रणमा लिएको छ । इलाका प्रहरी कार्यालय पोखरिया र अस्थाई प्रहरी पोष्ट बहुअर्वाबठाबाट खटिएको संयुक्त प्रहरी गस्ती टोलिले बिरगंज पोखरिया सडक खण्डमा शंकास्पद रुपमा हिडिरहेको निज दुई जनै पैदल यात्रीहरुमाथी शंका लागि नियन्त्रणमा लिई चेकजाँच गर्दा दुबै जनाले बोकेको कालो झोला भित्र राखिएको पानी खाने १० लिटरको ग्यालनमा लागु औषध चरेश जस्तो देखिने पर्दाथ रैस अलिले बोकेको ग्यालनमा ग्यालन सहित १० किलो ६०० ग्राम तथा मुनिलाला पटेलले बोकेको ग्यालनमा ग्यालन सहित ११ किलो ४०० ग्राम फेला पारी लागु औषध चरेश जस्तो देखिने पदार्थ सहित निजहरुलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.      बारा, प्रसौनी गाउँपालिका वडा नं. ०१ नकटुवाबाट २ किलो २४ ग्राम लागु औषध अफिम, BR01CL6079 नं.को कार सहित पर्सा बहुदरमाई नगरपालिका वडा नं. ०७ बस्ने राम नारायण राउत कुर्मिको छोरा अन्दाजि बर्ष ३८ को निलेश पटेल कुर्मी, बीरगंज महानगरपालिका वडा नं. ११ श्रीपुर बस्ने मोहम्मद समिरको छोरा अन्दाजि बर्ष ३२ को जौवाद अमहद तथा पर्सा बिन्दाबासिनी गाउँपालिका वडा नं. ०२ बस्ने रामएकवाल प्रसाद चौरसियाको छोरा अन्दाजि बर्ष ४८ को शेषनाथ चौरसियालाई विहिबार साझँ प्रहरीले नियन्त्रणमा लिएको छ । पतञ्जलीबाट नकटुवा तर्फ जादै गरेको उक्त भारतीय नम्बर प्लेटको कारमा निषेधित लागु औषध अफीम बोकी हिडेको बिशेष सुचनाको आधारमा इलाका प्रहरी कार्यालय प्रसौनी, बारा र लागु औषध नियन्त्रण ब्युरो शाखा कार्यालय पर्साबाट खटिएको संयुक्त प्रहरी चेकिङ् टोलिले उक्त गाडिलाई बाटोमा रोकी नियन्त्रणमा लिई चेकजाँच गर्दा कारको पछाडिको सिट माथि कालो प्लाष्टिकमा प्याक गरी राखेको २ पोका लागु औषध अफिम फेला पारी लागु औषध, कार सहित निजहरुलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

 

सम्बन्धित समाचार
फरार प्रतिवादी नियन्त्रण सम्बन्धी
२०८३-०७-१९

१.      पर्सा बिरगंज महानगरपालिका-१६ बसपार्क स्थितबाट फरार प्रतिवादी सर्लाही हरिपुर नगरपालिका-०५ बस्ने अन्दाजि बर्ष ४७ को बिल्टु चौधरीलाई  बुधबार साझँ प्रहरीले पक्राउ गरेको छ । जिल्ला प्रहरी कार्यालय पर्साबाट खटिएको प्रहरी टोलिले चेकजाँच गर्दा ठगी मुद्दाको फरार रहेका निज प्रतिवादीलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।२.      सर्लाही जिल्लाका बिभिन्न स्थानबाट ज्यान सम्बन्धि मुद्बाको फरार प्रतिवादी ईश्वरपुर नगरपालिका-१२ घारीबथान बस्ने उपेन्द्र बहादुर खड्काको छोरा अन्दाजि वर्ष ५९ को रामचन्द्र खड्का भन्ने नेत्र बहादुर खड्का र ज.ज.क.उ. मुद्दाको फरार प्रतिवादी हरिवन नगरपालिका-०१ केरावारी बस्ने तिर्थ बहादुर हायुको छोरा अन्दाजि वर्ष २५ को कृष्णा बहादुर हायु समेतलाई बुधबार प्रहरीले पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।३.      महोत्तरी, बर्दिबास नगरपालिका-०१ बिशाल ईन्टरलक ब्लक उद्योग स्थितबाट फरार प्रतिवादी मोहोत्तरी बर्दिबास नगरपालिका-१४ बस्ने रामचन्द्र महतोको छोरा बर्ष ४४ को बिरेन्द्र महतोलाई बुधबार राती प्रहरीले पक्राउ गरेको छ । इलाका प्रहरी कार्यालय बर्दिबास महोत्तरीबाट खटिएको प्रहरी टोलिले चेकजाँच गर्दा लेनदेन मुद्दाका फरार रहेका निज प्रतिवादीलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ । ४.      सप्तरी, हनुमाननगर कंकालिनी नगरपालिका-१४ स्थितबाट फरार प्रतिवादी सोही स्थानमा बस्ने कारी यादव भन्ने रविन्द्र यादवको छोरा अन्दाजि वर्ष २६ को मिथलेश यादवलाई बुधबार राती प्रहरीले पक्राउ गरेको छ । प्रहरी चौकी तिलाठी सप्तरीबाट खटिएको प्रहरी टोलिले चेकजाँच गर्दा ठगी मुद्दाका फरार रहेका निज प्रतिवादीलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

स्रोत नखुलेको रकम सहित मानिस नियन्त्रण सम्बन्धी
२०८३-०७-१९

१.      रौतहट, ईशनाथ नगरपालिका-०४ महुलिया काली मन्दिर स्थितबाट स्रोत नखुलेको रकम रु.४४,६४,६०५/-(चौवालिस लाख चौसठी हजार छ सय पाँच), म.प्र. ०५-००१ प ०५७८ नम्बरको मोटरसाईकल सहित २ जनालाई बुधबार दिउँसो प्रहरीले नियन्त्रणमा लिएको छ । पक्राउ पर्नेमा देश भारत बिहार राज्य जिल्ला वडा पुर्वि चंपारन ग्राम फुलबरिया नं. १३ बस्ने मोहन प्रसाद चौधरीको छोरा अं. वर्ष ३० को सनी कुमार जैसवाल र रौतहट गौर नगरपालिका-०१ स्थित रहेको न्यु तराई ट्रेडर्सका संचालक अन्दाजि बर्ष ५१ शेख कमरुल रहेका छन् । जिल्ला प्रहरी कार्यालय रौतहट र प्रहरी चौकी मठिया महुलिया रौतहटबाट खटिएको संयुक्त प्रहरी चेकिङ् टोलिले भारतबाट नेपाल तर्फ आउँदै गरेको उक्त मोटरसाईकलमाथी शंका लागि नियन्त्रणमा लिई चेकजाँच गर्दा उक्त रकम फेला पारी रकम र मोटरसाईकल सहित निजहरुलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।  

फरार प्रतिवादी नियन्त्रणमा ।
२०८३-०७-१७

१.      सप्तरी, शम्भुनाथ नगरपालिका-०१ स्थितबाट फरार प्रतिवादी सोही स्थानमा बस्ने रामअशिष यादवको छोरा अन्दाजी बर्ष ३० को तेजनारायण यादवलाई सोमबार साँझ प्रहरीले पक्राउ गरेको छ । इलाका प्रहरी कार्यालय रुपनी, सप्तरीबाट खटिएको प्रहरी टोलिले चेकजाँच गर्दा लागूऔषध र सवारी अंगभंग मुद्दाका फरार रहेका निज प्रतिवादीलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ । २.      बारा, जितपुर सिमरा उप-महानगरपालिका-०८ शिवशक्ती घिउँ कम्पनी स्थितबाट फरार प्रतिवादी सोही स्थान बस्ने रघुविर राउत कुर्मिको छोरा अन्दाजि वर्ष ५४ को सम्भु राउत कुर्मीलाई सोमबार साँझ प्रहरीले पक्राउ गरेको छ । इलाका प्रहरी कार्यालय जितपुर, बाराबाट खटिएको प्रहरी टोलिले चेकजाँच गर्दा अनुचित लेनदेन मुद्दाका फरार रहेका निज प्रतिवादीलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।