१.      सर्लाही, कडौना गाउँपालिका-०१ सुकचैना स्थितबाट अवैध लागूऔषध गाँजा ४१९ किलो ९३० ग्राम सहित २ जनालाई शनिबार दिउँसो प्रहरीले नियन्त्रणमा लिएको छ । पक्राउ पर्नेमा सोहि स्थानमा बस्ने बच्चेलाल राउतको छोरा अन्दाजि वर्ष २५ को राहुल राउत र बासुदेव राउतको छोरा अन्दाजि वर्ष ४६ को महादेव राउत रहेका छन् । जिल्ला प्रहरी कार्यालय सर्लाहीबाट खटिएको प्रहरी चेकिङ् टोलिले लागूऔषध बिरुद्द सचेतनामुलक कार्यक्रम अन्तर्गत चेकजाँच गर्दै जाँदा उक्त लागूऔषध फेला पारी लागूऔषध सहित निजहरुलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.      सिरहा, गोलबजार नगरपालिका-०६ गोलबजार टोलबाट अवैध लागूऔषध ब्राउन सुगर जस्तो देखिने पदार्थ १ ग्राम २८० मिलिग्राम सहित १ जनालाई शनिवार साँझ प्रहरीले नियन्त्रणमा लिएको छ । पक्राउ पर्नेमा सोही स्थानमा बस्ने राम थापा मगरको छोरा अन्दाजि बर्ष २७ को सुजन थापा मगर रहेका छन् । इलाका प्रहरी कार्यालय गोलबजार र लागू औषध नियन्त्रण व्युरो शाखा कार्यालय गोलबजार सिरहाबाट खटिएको संयुक्त प्रहरी चेकिङ् टोलिले निजलाई चेकजाँच गर्दा उक्त लागूऔषध फेला पारी लागूऔषध सहित निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।