१.      बारा जिल्लाका बिभिन्न स्थानबाट बैकिङ्ग कसुर मुद्बाको फरार प्रतिवादी कलैया उप-महानगरपालिका-२६ महेशपुर बस्ने अन्दाजि वर्ष ५५ को देव नारायण चौधरी र अभद्र व्यवहार चालु मुद्दाको फरार प्रतिवादी सोही स्थानमा बस्ने अन्दाजि वर्ष ४० को रामलाल साहलाई शनिबार बिहान प्रहरीले पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

२.      रौतहट, देवाही गोनाही नगरपालिका-०८ पटेल चोकबाट फरार प्रतिवादी सोही स्थानमा बस्ने साहेव राउत कुर्मीको छोरा अन्दाजि बर्ष ४० को हरिराम राउतलाई शनिबार राती प्रहरीले पक्राउ गरेको छ । इलाका प्रहरी कार्यालय देवाही गोनाही रौतहटबाट खटिएको प्रहरी टोलिले चेकजाँच गर्दा बैकिङ्ग कसुर मुद्दाका फरार रहेका निज प्रतिवादीलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

३.      सिरहा जिल्लाका बिभिन्न स्थानबाट लेनदेन बिगो मुद्बाको फरार प्रतिवादी बिष्णुपुर गाउँपालिका-०५ बस्ने अन्दाजि वर्ष ५२ को चन्देश्वर यादव, सोही  मुद्दाका फरार प्रतिवादीगोलबजार नगरपालिका-०७ बस्ने सुखिया चमारको छोरा अन्दाजि वर्ष ५१ को बेचन महरा र ज्यान सम्बन्धी मुद्दाका फरार प्रतिवादी कल्याणपुर नगरपालिका-१२ बस्ने अन्दाजि बर्ष ४५ को ज्ञानचन मुखिया समेतलाई शनिबार प्रहरीले पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।