१.      बारा जिल्लाका बिभिन्न स्थानबाट बाहु विवाह सम्बन्धी मुद्दाको फरार प्रतिवादी कलैया उप-महानगरपालिका-१६ बस्ने अन्दाजि बर्ष ३० को अकलेश कुमार यादव, अभद्र व्यवहार मुद्दाको फरार प्रतिवादी पचरौता नगरपालिका-०३ भट्टिबैरीया वस्ने सुरुज दास तत्माको छोरा अन्दाजि वर्ष ६० को रामआधार दास तत्मा र निजको छोरा अन्दाजि वर्ष २६ को रामदरेश दास तत्मा र ठगी कसुर मुद्दाको फरार प्रतिवादी कलैया उप-महानगरपालिका-१५ बस्ने अन्दाजि वर्ष ३० को कादीर हुसेन मंसुर समेतलाई बिहिबार प्रहरीले पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

२.      सिरहा, गोलबजार नगरपालिका-०७ चोहर्वा चौकबाट फरार प्रतिवादी सोही स्थानमा बस्ने शुबलाल मोचिको छोरा अं. बर्ष ४८ को बेचन मोचि रामलाई बिहिबार बिहान प्रहरीले पक्राउ गरेको छ । इलाका प्रहरी कार्यालय गोलबजार सिरहाबाट खटिएको प्रहरी टोलिले चेकजाँच गर्दा लेनदेन बिगो मुद्दाका फरार रहेका निज प्रतिवादीलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।