महोत्तरी, सम्सी गाउँपालिका-०-६ सम्सीटोला स्थित साह चिया दरबार अगाडीबाट लागूऔषध गाँजा १५.८८० किलोग्राम, BR 30 U 4425 र BR 33 AC 94 (अगाडीको नं. स्पष्ट नभएको) नम्बरको मोटरसाइकल सहित ३ जनालाई बिहीबार राती प्रहरीले पक्राउ गरेको छ । पक्राउ पर्नेमा महोत्तरी सम्सी गाउँपालिका-०७ बस्ने अन्दाजि बर्ष ३२ को मुकेश साह, सम्सी गाउँपालिका-०७ बस्ने अन्दाजि बर्ष १९ को गनित कुमार यादव र औरही नगरपालिका-०३ बस्ने अन्दाजि वर्ष १९ को अंकुश साह रहेका छन् । प्रहरी चौकी सम्सी र अस्थाई प्रहरी पोष्ट महोत्तरीबाट खटिएको संयुक्त प्रहरी टोलिले उक्त लागूऔषध र मोटरसाईकल सहित निजहरुलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।