१.      बारा जिल्लाका बिभिन्न स्थानबाट बैकिङ्ग कसुर मुद्दाको फरार प्रतिवादी बारा जितपुरसिमरा उप-महानगरपालिका-०१ पानिट्याङकि बस्ने वर्ष ४० राम हरी भण्डारी, लेनदेन बिगो सम्बन्धी मुद्दाको फरार प्रतिवादी बारा फेटा गाउँपालिका-०२ जगतपुर बस्ने अन्दाजि वर्ष ५५ को पन्नालाल राउत कुर्मि र अभद्र व्यवहार मुद्दाको फरार प्रतिवादी सिमरा उप-महानगरपालिका-७ खलका टोल अन्दाजि बर्ष २७ को संजय सहनी मलाह समेतलाई मंगलबार प्रहरीले पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

२.      महोत्तरी जिल्लाका बिभिन्न स्थानबाट बैकिङ्ग मुद्दाको फरार प्रतिवादी महोत्तरी गौशाला नगरपालिका-०६ बस्ने बिलट ठाकुर हजामको छोरा बर्ष अन्दाजि ५५ को बद्री ठाकुर र ठगि तथा अपराधिक विश्वसघात सम्बन्धित कसुर मुद्दाको फरार प्रतिवादी महोत्तरी सोनमा गाउँपालिका-०३ बस्ने लाल बाहदुर मण्डल खत्बेको छोरा बर्ष अन्दाजि १६ को गणेश मण्डल समेतलाई मंगलबार प्रहरीले पक्राउ गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।

३.      सिरहा, कल्याणपुर नगरपालिका-१२ स्थितबाट फरार सोही स्थानमा बस्ने नथुनी साहको छोरा अन्दाजि बर्ष ४६ को अशोक कुमार साहलाई मंगलबार बिहान प्रहरीले पक्राउ गरेको छ । प्रहरी चौकी बेल्हा सिरहाबाट खटिएको प्रहरी टोलिले चेकजाँच गर्दा लेनदेन मुद्धामा फरार रहेका निज प्रतिवादीलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

४.      सप्तरी, राजबिराज नगरपालिका-०६ स्थितबाट फरार सोही स्थानमा बस्ने मुन्नी देवी साहलाई मंगलबार दिउँसो प्रहरीले पक्राउ गरेको छ । वडा प्रहरी कार्यालय राजबिराज सप्तरीबाट खटिएको प्रहरी टोलिले चेकजाँच गर्दा कर्तव्य ज्यान मुद्धामा फरार रहेका निज प्रतिवादीलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।