१.      पर्सा, बिरगंज महानगरपालिका-१६ नगवा पोखरी स्थितबाट लागूऔषध ब्राउन सुगर जस्तो देखिने पदार्थ २.६३० ग्राम सहित २ जनालाई बिहिबार दिउँसो प्रहरीले पक्राउ गरेको छ । पक्राउ पर्नेमा जिल्ला चितवन भतरपुर महानगरपालिका-१७ बस्ने लाल सिंह तामाङको तेस्रो लिङ्गी (छोरा छोरी नछुटिएको) अन्दाजि बर्ष २५ को युनिस तामाङ र पर्सा बिरगंज महानगरपालिका-०२ बस्ने प्रभु हजराको छोरा अन्दाजि बर्ष २१ को बिकि हजरा रहेका छन् । इलाका प्रहरी कार्यालय नगवा र वडा प्रहरी कार्यालय बिर्ता पर्साबाट खटिएको संयुक्त प्रहरी टोलिले उक्त लागूऔषध सहित निजहरुलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.      रौतहट, चन्द्रपुर नगरपालिका-०१ मंगलपुर स्थितबाट लागूऔषध एन्टीकफ ट्याब्लेट-२१ पिस, मेफ्रटाल स्पास ट्याब्लेट-२० पिस, Laborate ट्याब्लेट-२० पिस र खुल्ला रहेको-२० पिस सहित २ जनालाई बिहिबार बिहान प्रहरीले पक्राउ गरेको छ । पक्राउ पर्नेमा सोही स्थानमा बस्ने मोनी सहनीको छोरा अन्दाजि बर्ष २६ को राकेश सहनी र कन्चन सहनीको छोरा अन्दाजि बर्ष २४ को अरुण सहनी रहेका छन् । प्रहरी चौकी पोराई रौतहटबाट खटिएको प्रहरी टोलिले उक्त लागूऔषध सहित निजहरुलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

३.      सर्लाही, लालबन्दी नगरपालिका-०८ गुम्बाटोल स्थितबाट लागूऔषध गाँजा ७८५ ग्राम, Spasmo-१६ पिस र Nitrazepam- ४१० पिस सहित १ जनालाई बिहिबार दिउँसो प्रहरीले पक्राउ गरेको छ । पक्राउ पर्नेमा सोही स्थानमा बस्ने डम्बर बहादुर गोलेको श्रीमती अन्दाजि बर्ष ५६ कि दिल कुमारी गोले रहेकी छिन् । इलाका प्रहरी कार्यालय लालबन्दी सर्लाहीबाट खटिएको प्रहरी टोलिले उक्त लागूऔषध सहित निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।