१.      पर्सा, पकहामैनपुर गाउँपालिका-०१ धोरे स्थितबाट लागूऔषध गाँजा ११४.२५० किलोग्राम र बा १८च ३६५७ नम्बरको कार सहित १ जनालाई शुक्रबार राती प्रहरीले पक्राउ गरेको छ । पक्राउ पर्नेमा जिल्ला धादिङ बेनिघाट रोराङग गाउँपालिका-०८ बस्ने ईन्डलाल चेपाङको छोरा अन्दाजि बर्ष २१ को साजन चेपाङ रहेका छन् । इलाका प्रहरी कार्यालय पोखरीया र प्रहरी चौकी धोरे पर्साबाट खटिएको संयुक्त प्रहरी टोलिले उक्त लागूऔषध र कार सहित निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

२.      सिरहा, लहान नगरपालिका-०७ पुरानो नगरपालिका स्थितबाट लागूऔषध ब्राउन सुगर जस्तो देखिने पदार्थ ३० मिलिग्राम सहित १ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेमा लहान नगरपालिका-१७ गोबिन्दपुर बस्ने सेवकलाल चौधरीको छोरा अन्दाजि वर्ष १९ को प्रविण चौधरी रहेका छन् । प्रहरी चौकी लहान सिरहाबाट खटिएको प्रहरी टोलिले उक्त लागूऔषध सहित निजलाई नियन्त्रणमा लिएको हो । यस सम्बन्धमा प्रहरीले आवश्यक अनुसन्धान गरिरहेको छ ।